Быраҕыллыбыт тимиртэн — бассейн

Ааптар: 
Бөлөххө киир:

Мэҥэ Хаҥалас Бүтэйдээҕэр командировкаҕа сылдьан, Андросовтар дьиэлэриттэн хаһаайыттары кытта кэпсэтэн баран тахсан истэхпинэ, эмискэ сүүнэ улахан буочукаттан оҕо айманар хаһыыта иһилиннэ.

edersaas.ru

Мин буочукаҕа оҕо ууга түстэ диэн куттанан, сүүрэн тиийбитим, уончалаах уол ууга умса-умса сөтүөлээн чомполоно сылдьар эбит. Бэрт «улахан сэрии хамандыыра» быһыылаах, «уу аннынан сылдьар хараабылларга» хамаанда бөҕө буола сылдьар.

Ити кэмҥэ дьиэттэн уол ийэтэ уонна эдьиийэ тахсан, хаһаайыттары кытта сиһилии кэпсэтэн, Анатолий Семенович тиэргэнин кэрийэ сылдьан, бэйэтэ оҥорбут тэриллэрин кытта билсэбит. Мин сылдьарбар хаһаайын андыга барбыт кэмэ этэ.

Дьэ киһи сөҕөр тэриллэрэ, доҕоор! Анатолий Андросов олус да мындыр толкуйдаах, барыны бары туһаҕа таһаарар хаһаайын эбит. «Муора сэриитин утарса сылдьар» туйах хатарааччыта сөтүөлээн чомполонор буочукатын ыал аҕата алаастан булан, анаан состорон аҕалбыт. Тэстибит уонна аһаҕас сирдэринэн иһэрдэн баран, кыһын муус уурар чаан оҥостубут.

Сайыҥҥы кэмҥэ манна турбанан оҕуруокка кутуллар ууну хаһааналлар эбит. Оттон кырачаан дьиэлээх хаһаайыттарга ол эрэ наада — сайыҥҥы куйаас күннэргэ мантан, буочука-бассейнтан тахсыбаттар. Оҕолор ханна да ырааппакка, күнү быһа манна чомполоно сөтүөлүүллэр. Андросовтар тиэргэннэрин сүрүн баайа — аҕалара оҥорбут туһалаах тимир тэриллэрэ. Өссө да туһаҕа тахсыахтаах араас тэрил эмиэ элбэх.

Бу маннык көстүүнү улуус нэһилиэктэрин үгүс ыалыгар көрүөххэ сөп. Сэбиэскэй кэмтэн ыла быраҕыллыбыт, уруккута электричество уотунан үлэлиир араас ыарахан кыамталаах тэриллэр алаас аайы быраҕылла сыталларын, тиэйэн ылан, мындыр толкуйдаахтар анаан туһаҕа таһаараллар эбит.

 

 Бу курдук, тыа сиригэр ыалларынан анаан сылдьан, суруналыыс киһи сөҕө көрөн, бэлиэтэммитим үгүс. Олортон Мэҥэ Хаҥалас Бүтэйдээҕин Анатолий Андросов буочука-бассейна — биир холобур.

Елена ПОТОЦКАЯ, «Саха сирэ» хаһыат, https://edersaas.ru

Ааптар хаартыскаҕа түһэриитэ.

+1
0
+1
0
+1
0
+1
0
+1
0
+1
0
+1
0