Сэтинньи 11-12 күннэригэр «Модун» спорт киинигэр үгэскэ кубулуйбут бырааттыы Михаил уонна Моисей Ноговицыннар бириистэригэр хапсаҕайга өрөспүүбүлүкэтээҕи турнир буолла. Күрэхтэһиигэ, уопсайа, 260-тан тахса бөҕөс кыттыыны ылла.
edersaas.ru
Күрэхтэһии түмүгүнэн анал номинацияларынан бириистэр туттарылыннылар. Бастыҥ быраҕыы номинация хаһаайынынан Радик Слепцов ааттанна. Кыайыыга дьулуур номинацияны Вячеслав Федоров ылла. Бастыҥ хапсаҕайдьытынан – Дмитрий Ушницкай, бастыҥ судьуйанан Геннадий Хабаров ааттаннылар.
Алексей Мостахов, СӨ хапсаҕай федерациятын толорооччу дириэктэрэ:
- — 14 төгүлүн ыытыллар бырааттыы Ноговицыннар бириистэригэр хапсаҕай күрэхтэһиитэ хаһааҥҥытааҕар да элбэх, 264 кыттааччыны түмтэ. Бастаан Үөһээ Дьааҥыга ыытыллар этэ. Онтон ырааҕынан уонна билиэт сыаната ыараханынан сибээстээн, Дьокуускай куоракка көһөрбүппүт. Өрөспүүбүлүкэ бастыҥ хапсаҕайдьыттара кыттыыны ыланнар, түһүлгэни киэргэттилэр. Үөһээ Дьааҥы улууһа туруорбут бирииһин — 1000 доллары суперприз гынан, кыайыылаахтар сэрэбиэйдээн оонньоттулар. Бириис уопсай пуондата 300 т. солк. буолла. Сылтан сыл бырааттыы Ноговицыннар күрэхтэһиилэрэ сайдан иһэр. Үөһээ Дьааҥы улууһа, бырааттыы Ноговицыннар доҕотторо күүскэ өйүүллэрэ улахан оруоллаах. Атын да улуустар кыһалланнар, маннык күрэхтэһиини тэрийэр кыахтаахтар.
Кыайыылаахтар:
55 кг (39 кыттааччы):
1 миэстэ — Дмитрий Варламов (Чурапчы);
2 миэстэ — Владислав Дьяконов (Хаҥалас);
3 миэстэ — Иван Лопатырев (Үөһээ Бүлүү);
62 кг (68 кыттааччы):
1 миэстэ — Владислав Петров (Дьокуускай);
2 миэстэ — Андрей Захаров (Бүлүү);
3 миэстэ — Вячеслав Федоров (Мэҥэ Хаҥалас);
70 кг (78 кыттааччы):
1 миэстэ — Дмитрий Ущницкай (Бүлүү);
2 миэстэ — Дмитрий Эспек (Хаҥалас);
3 миэстэ — Айаал Павлов (Чурапчы);
80 кг (37 кыттааччы):
1 миэстэ — Роберт Сидоров (Усуйаана);
2 миэстэ — Александр Семейщиков (Өймөкөөн);
3 миэстэ — Прокопий Петров (Дьокуускай);
90 кг диэри (25 кыттааччы):
1 миэстэ — Никита Валеев (Дьокуускай);
2 миэстэ — Платон Саввинов (Үөһээ Бүлүү);
3 миэстэ — Алексей Кутуков (Нам);
90 кг үөһээ (17 кыттааччы):
1 миэстэ — Увар Тимофеев (Үөһээ Бүлүү);
2 миэстэ — Василий Винокуров (Нам);
3 миэстэ — Виталий Тимофеев (Нам).
Күрэхтэһии бүппүтүн кэннэ, ыйааһынынан чөмпүйүөннэр истэригэр 1000 доллар бириистээх лотерея оонньоттулар. Барыларынааҕар бааттаах чөмпүйүөнүнэн Чурапчыттан Дмитрий Варламов буолла. Киниэхэ 1000 доллар уонна 20 т.солк. сыаналаах саа атыылаһарга сертификат туттарылынна.
Николай ПОПОВ, «Саха сирэ» хаһыат, edersaas.ru