Нам улууһун полициятыгар биир дьахтары 47 саастаах киһи эчэппитин туһунан тыллабыр киирбит.
Полицейскайдар быһаарбыттарынан, дьахтар ити күн быраатын көрдөөн, ол киһи дьиэтигэр тиийбит. Дьахтар участковайга кэпсээбитинэн, урут хаста да сууттана сылдьыбыт киһи быраатыгар куһаҕан өттүнэн дьайарын олох сөбүлээбэт эбит.
Ол иһин дьиэҕэ быраата ол киһилиин эмиэ арыгылыы олороллорун көрөн, арыгылаан бүтэригэр уонна кинини кытта дьиэтигэр барсарыгар эппит. Биллэн турар, дьиэлээх хаһаайынныын онтон сылтаан кыыһырсыбыттар. Онуоха эр киһи өтүйэни ылбыт да, дьахтары онон харса суох сабаабыт.
Бу киһиэхэ РФ Холуобунай кодексатын 115-с ыст. 2-с чааһынан, ол эбэтэр, доруобуйаҕа чэпчэки эмсэҕэлээһини оҥоруу бэлиэтэ баарынан, холуобунай дьыала тэриллибит.
Бу туһунан СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.