Бүгүн Ил Дархан Айсен Николаев каадыры аттаран туруорууга саҥа ыйаахтары таһаарда.
Ол чэрчитинэн, Руслан Тимофеев Информационнай бэлиитикэ уонна маассабай коммуникациялар департаменнарын, Ирина Алексеева Архитектура уонна градостроительство управлениетын салайааччыларынан ананнылар. Руслан Владимирович бу дуоһунаска ыам ыйыгар анаммыта. Оттон Ирина Алексеева бу иннинэ 2015 с. Дьокуускай куорат кылаабынай архитекторынан үлэлии олорбута.
Доруобуйа харыстабылын миниистирин бастакы солбуйааччынан Егор Прокопьев, тыа хаһаайыстыбатын миниистирин солбуйааччынан Василий Афанасьев, Нэһилиэнньэҕэ куттал суох буолуутун судаарыстыбаннай кэмитиэтин бэрэссэдээтэлин солбуйааччынан Светлана Самсонова буоллулар.
Бырабыыталыстыба бэрэссэдээтэлин солбуйааччы э.т. Игорь Никифоров уонна тырааныспар, суол хаһаайыстыбатын миниистирин бастакы солбуйааччы Лена Семенова үлэлэриттэн тохтоотулар.
Аграфена КУЗЬМИНА, edersaas.ru