Саха Өрөспүүбүлүкэтин быраабыталыстыбатын дьиэлэригэр тэрилтэ аатын ыйар анал дуоскаларга былаас уорганнарын ааттара аны икки тылынан суруллуохтара.
Ол курдук, өрөспүүбүлүкэ сүрүн дьиэтигэр «Глава Республики Саха (Якутия)» уонна «Саха Өрөспүүбүлүкэтин Ил Дархана», «Правительство Республики Саха (Якутия)» уонна «Саха Өрөспүүбүлүкэтин Бырабыыталыстыбата», «Администрация Главы Республики Саха (Якутия) и Правительства Республики Саха (Якутия)» уонна «Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын дьаһалтата» диэн анал дуоскалар ыйаннылар.
Федор Борисов, СӨ Ил Дарханын уонна СӨ Бырабыыталыстыбатын дьаһалтатын салайааччы:
– Саҥа ирдэбил нэһилиэнньэ өрөспүүбүлүкэ судаарыстыбаннай былааһын түргэнник буларыгар көмөлөһүөҕэ. Былаас атын уорганнара бу ирдэбили хайан даҕаны тутуһуохтаахтар.
Александр ТАРАСОВ, «Саха сирэ» хаһыат, edersaas.ru