Өймөкөөн улууһун киин быыбардыыр хамыыһыйатын чилиэнэ Антонина Ревина иһитиннэрбитинэн, улуус үрдүнэн 6 тыһ 51 быыбардааччы баарыттан киэһэ 6 чааска хомуллубут чахчынан, 2 тыһ. 539 киһи, ол эбэтэр 40 % куоластаата. Ханна да буоларын курдук, ордук нэһилиэктэр көхтөөхтөр. Ол курдук, кырдьаҕас Өймөкөөн нэһилиэгин олохтоохторо 87 %, куйдуһуннар 71 %, сордоҥноохтор 65 % куоластаан иһэллэр.
— Чахчылары аны киэһэ 10 чааска түмүөхпүт, онуоха диэри хайа учаастакка ким хоппута барыллаан биллиэ, — диэтэ Антонина Леонидовна.
Бириэмэ баран иһэр, долгуйуу күүһүрэр…
Раиса Сибирякова, “Саха сирэ” хаһыат, edersaas.ru
+1
+1
+1
+1
+1
+1
+1