Уон биэс улуус дьаһалтатын баһылыгар 58 хандьыдаат туран, быыбар иннинээҕи аҕытаассыйа көхтөөхтүк ыытылынна. Түмүккэ, тоҕус улууска үлэлии олорор баһылыктар эрэллээхтик кыайдылар: Алдаҥҥа Северин Поздняков (39,64 %), Анаабырга Иван Семенов (52,97 %), Горнайга Никита Андреев (80,65 %), Мирнэйгэ Ришат Юзмухамедов (42,29 %), Өлөөҥҥө Александр Иванов (94,76 %), Тааттаҕа Михаил Соров (80,67 %), Уус Алдаҥҥа Алексей Федотов (64,88 %), Усуйаанаҕа Георгий Федоров (44,30 %), Чурапчыга Андрей Ноговицын (53,10 %). Бу дьон-сэргэ кинилэр үлэлэрин биһириирин, онон салгыы үлэлииллэригэр кыаҕы биэрбитин көрдөрөр.
Северин Поздняков
Иван Семенов
Никита Андреев
Ришат Юзмухамедов
Александр Иванов
Михаил Соров
Алексей Федотов
Георгий Федоров
Андрей Ноговицын
Кинилэри сыаналыыллар
Үөһээ Халымаҕа улуус баһылыгын солбуйааччы Анастасия Яхонтова (42,22 %), Намҥа Аппааны баһылыга Юрий Слепцов (86,89 %), Эбээн-Бытантайга өр сылларга ОДьКХ салаатын салайбыт Гаврил Горохов (50,45 %) улуустарын дьонугар сыаналаталларын, итэҕэтэллэрин көрдөрдүлэр.
Анастасия Яхонтова
Юрий Слепцов
Гаврил Горохов
Саҥа ааттар
Муомаҕа үс хандьытаат турбутуттан Арктика дьыалаларыгар судаарыстыбаннай кэмитиэт бэрэссэдээтэлин бастакы солбуйааччы Иван Павлов (81,22 %) утарсааччыларын ырааҕынан хаалларда. Уус-Маайаҕа алта хандьыдаат киирсибититтэн олохтоохтор 2008-2013 сс. улуус баһылыгынан үлэлээбит Александр Антипины (38,73 %) таллылар. Кэбээйигэ түөрт киһи, ол иһигэр үлэлии сылдьар баһылык Игнатий Спиридонов хандьыдаатынан турбутуттан, быыбардааччылар 34 саастаах, ОДьКХ СУТ кылаабынай энергетигэ Иван Левини (56,21 %) ордордулар.
Иван Павлов
Александр Антипин
Иван Левин
Раиса Сибирякова, «Саха сирэ» edersaas.ru.