Быыбардыыр хамыыһыйаҕа докумуону туттарыы от ыйын 31 күнүнэн түмүктэниэҕэ

Бөлөххө киир:

Быйыл балаҕан ыйын 10 күнүгэр Арассыыйа үрдүнэн бүттүүн куоластааһын буолуоҕа. «Биир ньыгыл Арассыыйа» баартыйа Саха сиринээҕи салаата иһитиннэрэринэн, өрөспүүбүлүкэ үрдүнэн быйылгы быыбарга улуус, куорат, нэһилиэк баһылыктарын дуоһунаһыгар уонна дьокутааттарыгар уопсайа 3263 мандат иһин киирсии буолуоҕа.

edersaas.ru


Онон балаҕан ыйын 10 күнүгэр аҕыс улуус, Дьокуускай куорат уонна 28 улууска 215 нэһилиэк баһылыктарын уонна алта улууска Сэбиэт дьокутааттарын талыы буолуоҕа.

«Бу саас буолбут аһаҕас барыллаан куоластааһын түмүгүнэн баартыйа аатыттан кимнээх кытталларын испииһэгэ оҥоһуллан бэлэм. Бэрт сотору кэминэн быыбар иннинээҕи агитация күүскэ ыытыллыаҕа. Хандьыдааттар элбэх үлэни көрсүөхтэрэ. Барыларыгар ситиһиини баҕарабын!», – диэн «Биир ньыгыл Арассыыйа» баартыйа генеральнай сэбиэтин сэкиритээрэ Сергей Неверов санаатын үллэстэр.

Билигин регионнааҕы уонна олохтоох быыбардыыр хамыыһыйаҕа докумуоннары туттарыы бара турар. Докумуону туттарыы от ыйын 31 күнүнэн түмүктэнэр. Онон кэлэр нэдиэлэҕэ туга-ханныга барыта чуолкай биллиэҕэ.

Александр ТАРАСОВ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0