close
Cүктэр кыыһы таҥыннарыы сиэрэ-туома (ВИДЕО)
· - Бу - интэриэһинэй - Олох-дьаһах - Саха ыала

Cүктэр кыыһы таҥыннарыы сиэрэ-туома (ВИДЕО)

Инстаграм ситимигэр сүктэр кыыһы таҥыннарыы сиэрин-туомун ылбыт кыыс страницатын сурутааччыларыгар видео үллэстибитин буллум. Тута туоһуластым. Кыыс аата Екатерина Готовцева. Кини үөрэ-көтө санаатын үллэһиннэ:

edersaas.ru

 

— Биhиги кэргэмминээн Алданныын култуура уонна искусство үөрэҕин бүтэрбиппит. Билигин үөрэхпитинэн артыыс идэтин баһылаан үлэлии-хамныы сылдьабыт. Мин, С.А. Зверев — Кыыл Уола аатынан үҥкүү тыйаатырыгар үлэлиибин, кэргэним П.А. Ойуунускай аатынан Саха тыйаатырыгар үлэлиир. Уруубут киэһээтэ балаҕан ыйын 23 күнүгэр буолбута. Мин кыра эрдэхпиттэн кэргэн таҕыстахпына сүктэр кыыс сиэрин-туомун ылыам диэн баҕа санаалаах этим. Уруубут иннинэ кэргэмминээн сиэри-туому ылыыбытын видеоҕа уһултарар туһунан санаабыппыт. Саха ыала буоларбыт быһыытынан, өбүгэлэрбит үгэстэрин салҕаары уонна дьиэ кэргэммитигэр үтүө өйдөбүл буолуо диэн санааттан уһуллубут. Култуура эйгэтигэр үлэлиир дьон буоларбыт быһыытынан тулалыыр эйгэбит, доҕотторбут-атастарбыт бары саха култууратын, сиэрин-туомун өрө тутар ыччаттар. Онон кинилэр биһиги санаабытын өйөөннөр күүс-көмө буолбуттара. Доҕотторбутугар махталбыт муҥура суох.

Эдэр ыалга дьолу-соргуну, уостубат тапталы, улахан удьуору баҕарабыт. Онтон ааҕааччыларбытыгар сүктэр кыыһы таҥыннарыы видео матырыйаалын үллэстэбит: 

Анастасия АЛЕКСЕЕВА, «Саха Сирэ» хаһыат, edersaas.ru

 

1
0

Сайт матырыйаалларын ааптар көҥүлэ суох ылар бобуллар.
Facebook
Facebook
Instagram
GOOGLE
http://edersaas.ru/c-kter/

INSTAGRAM ЛИЭНТЭТЭ

Instagram батыһан бар