close

Чөл олох — уһун үйэлэнии мэктиэтэ
Блогер колонката - Олох-дьаһах

Чөл олох — уһун үйэлэнии мэктиэтэ

 Дойду бэрэсидьиэнэ быйылгы Судаарыстыбаннай Думаҕа ыҥырыытыгар, Арассыыйа олохтоохторо уһун үйэлээх буоллалларын туһугар хас биирдии судаарыстыбыннай уорганнар үлэлэһиэхтээхтэр диэн эппитэ.


Статистиканы көрдөххө, Арассыыйаҕа дьахталлар олохторун уһуна 77 саастарыгар диэри, эр дьон — 67 саастарыгар диэри. Онтон Саха сиригэр  дьахталлар 75 саастарыгар диэри, эр дьон 65 саастарыгар диэри. Дойдубут салайааччыта эппитинэн, дьон олорор сааһа ортотунан 73-тэн 80 сааска диэри үрдүөхтээх.

Саха сиригэр уһун үйэлэниигэ, чөл олоҕу тарҕатыыга үлэ күүскэ барар.

Ол курдук, 2003 сыллаахха СӨ бэрэсидьиэнин дьаһалынан «Үйэ саас» диэн бочуоттаах бэлиэ бигэргэтиллибитэ. Ити кэмтэн ыла Саха Өрөспүүбүлүкэтигэр 100 тахса киһи ити бэлиэни ылбыт.

Кулун тутар 5 күнүгэр Уус-Маайа бочуоттах олохтооҕо Гаврил Еремеевич Исаков 100 сааһын туолла. Кини 8 оҕолоох, 22 сиэннээх, 36 хос сиэннээх. Кини үйэтин тухары чөл олоҕу тутуһар, билиҥҥэ диэри физкультуранан дьарыктанар, хамсана-имсэнэ сылдьар. 85 сааһыгар диэри бэйэтэ булка сылдьыбыт, тайахтаабыт. Кини дьонугар үтүө холобур буолар. Тапталлаах аҕа, муударай сүбэһит, үтүө санаалаах ытык кырдьаҕас.

Ити курдук, уһун үйэлэнии чөл олоҕу кытта ыга ситимнээх. Чөл олохтоох киһи доруобуйата чэгиэн, дьүһүнэ эдэр буолар.

Чөл олохтоох нэһилиэктэр өрөспүүбүлүкэтээҕи форумнарыгар кыттааччылар Ил Дархаҥҥа ыҥырыы сурук оҥордулар. Саха сирин олохтоохторо чөл, чэгиэн-чэбдик буолалларын туһугар кэлэр 2019 сылы  Чөл олох уонна уһун үйэлэнии сылынан биллэриҥ диэн ыҥырдылар.

Гаврил Еремеевич курдук чөл олоҕу тутуһуҥ, чэгиэн чэбдик буолуҥ!

Ким чөл олохтоох, ол уһун үйэлээх!

 

Матвей Лыткин,

СӨ Арыгы атыытын сүрүннүүр управлениетын салайааччы.

Хаартыскаҕа: Гаврил Исаков 100 сааһын бэлиэтээһин.

        

#бүгүн: 1
0
0

Сайт матырыйаалларын ааптар көҥүлэ суох ылар бобуллар.

Мин санаам:

три × три =