Росавиация Россия киин сирдэриттэн Уһук Илиҥҥи уокурукка чэпчэтиилээх көтүү бырагырааматын бигэргэттэ. Муус устар 1 күнүттэн алтынньы 31 күнүгэр диэри авиахампаанньалар Уһук Илиҥҥи уокуруктан Россия киин сирдэригэр 50 хайысхаҕа оҕолору бүтүн Россиятааҕы «Океан» кииҥҥэ сынньана баралларыгар рейстэри оҥоруохтара.
Александр ТАРАСОВ, «Саха сирэ» хаһыат, https://edersaas.ru
Бу бырагыраамаҕа «Аэрофлот-российские авиалинии», «АЛРОСА», «ВИМ-АВИА», «Икар», «Норд Стар», «Северный ветер», «Сибирь», «Уральские авиалинии», «ЮТэйр» уонна «Якутия» авиа-хампаанньалар хабылыннылар. Бу чэпчэтиилээх көтүүгэ РФ бүддьүөтүттэн 2,9 млрд солк тыырылынна.
Билиҥҥи туругунан, Дьокуускай куораттан чэпчэтиилээх билиэтинэн аҕыс куоракка көтүөххэ сөп. Ол курдук, Анапаҕа (8400 солк.), Владивостокка (6400 солк.), Екатеринбурга (6000 солк.), Москваҕа (7000 солк.), Новосибирскайга (5500 солк.), Санкт-Петербурга (7000 солк.), Симферопольга (8000 солк.) уонна Сочига (7800 солк.).
Анал чэпчэтиилээх билиэтинэн Уһук Илиҥҥи уокуруктан көтүүгэ 23 саастарыгар диэри саастаах дьон, биэнсийэлээхтэр, I группалаах инбэлиит дьон (кинилэри арыаллааччылар) уонна оҕо эрдэхтэриттэн II уонна III группалаах инбэлиит оҕолор (кинилэри арыаллааччылар) туһаналлар. Ханнык рейстэр баалларын, көтөр хайысхаларын уонна сыаналарын http://favt.ru (Росавиация) анал сайтка киирэн сиһилии билсиэххитин сөп.
Александр ТАРАСОВ, «Саха сирэ» хаһыат, https://edersaas.ru