Ыам ыйын 26 күнүгэр «Саха сирэ» хаһыат сүрүн эрэдээктэрэ Чокуур Гаврильев СӨ сибээскэ уонна информационнай технологияҕа миниистирин солбуйааччынан ананна. Ил Дархан ыйааҕа бүгүн таҕыста.
Чокуур Николаевич Гаврильев 1975 сыллаахха Бүлүү улууһун Тылгыны нэһилиэгэр төрөөбүт. Черноморскай техническэй университеты, Анкаратааҕы университеты (Турция), Билктеннааҕы (Турция) университеты, Уһук Илиҥҥи госсулууспа академиятын бүтэрбит.
«Саха» НКИХ тэлэбиидэнньэтин дириэктэринэн, каадыр уонна тэрээһин үлэтин салаатын салайааччытынан, сүрүн исписэлииһинэн үлэлээбит. 2012 сыллаахтан — «Саха сирэ» хаһыат сүрүн эрэдээктэрэ, М.К. Аммосов аатынан университет суруналыыстыка салаатын уһуйааччыта. СӨ тэлэбиидэнньэтин уонна араадьыйатын туйгуна. Кэргэннээх, үс уол оҕолоох.