Дьахталлар бииргэ арыгылааһыннара ардыгар хобдох түмүктээх буоларын олох көрдөрөр. Хаандыгаҕа биир дьахтар дьүөгэтин бэргэһэтин уорбут. Дьокуускайга быһаҕынан анньыбыт.
Вера МАКАРОВА, «Саха сирэ», https://edersaas.ru/
Ол курдук, Томпо улууһун Хаандыга сэлиэнньэтигэр биир дьахтар полицияҕа эрийэн, хара саһыл бэргэһэтин уонна суотабай төлөпүөнүн дьүөгэтэ уорбутун туһунан эппит. Итинэн киниэхэ 15 тыһ. солк. суумалаах хоромньу оҥоһуллубут.
Оперативниктар уорбаланааччыны түргэнник булбуттар — Амматтан төрүттээх 37 саастаах дьахтар эбит. Ити иннинэ кинилэр иккиэн билэр киһилэригэр арыгылаабыттар. Уорбаланааччы бэргэһэтэ эргэрэн нэк буолбутун иһин, дьүөгэтин саҥа саһыл бэргэһэтин уорарга санаммыт. Өссө онно эбии суотабай төлөпүөнүн кытары сойбоппут.
Оттон Дьокуускай куоракка 27 саастаах кыыс дьүөгэтин кытта арыгылыы олорон кыыһырсан, искэ быһаҕынан анньыбыт. Бу кыыс урут эмиэ итинник ыар буруйу оҥорон, сууттана сылдьыбыт эбит.
Бу чахчыларынан холуобунай дьыалалар тэриллибиттэрин СӨ ИДьМ-тын пресс-сулууспата иһитиннэрдэ.
Вера МАКАРОВА, «Саха сирэ», https://edersaas.ru/
Хаартыска: интернеттэн.