Бу күннэргэ Таатта улууһун Даайа Амматыгар күүтүүлээх социальнай суолталаах тутуулара үлэҕэ киллэрилиннэ. Ол курдук, олохтоохтор саҥа өрөмүөннэниллибит фельдшерскэй-акушерскай пууҥҥа көрдөрүнэр буолуохтара.
Анивера АКИМОВА, «Саха сирэ» хаһыат, edersaas.ru
Улуус дьаһалтатын исписэлииһэ Анна Яковлева «Эдэр саас» сайтка: «Даайа Амма нэһилиэгэ улуус кииниттэн балачча тэйиччи сытар. Манна фельдшерскэй-акушерскай пууну өрөмүөннээн, саҥардан оҥордулар. Нэһилиэккэ 250 кэриҥэ киһи олорор. Оҕотун ахсаана – 76. Даайа Аммата сылын ахсын сайдан, улаатан иһэр. Олохтоохтор тыа хаһаайыстыбатынан дьарыктаналлар. Бүгүҥҥү туругунан 11 бааһынай хаһаайыстыба баар. Быйыл 10 ыал саҥа дьиэ туттан киирээри түбүгүрэ сылдьар. Эдэр исписэлиистэргэ анаан 4 кыбартыыралаах толору хааччыллыылаах уопсай дьиэ тутуллан көҥдөйө бүтэн турар», – диэн кэпсээтэ. Онон, тыа сиригэр тутуулар өрөмүөннэниллэн, саҥардыллан, тыыннара уһатыллан иһэллэр.
Анивера АКИМОВА, «Саха сирэ» хаһыат, edersaas.ru