close
Депутатскай авиапордугар тахсыбыт улахан хаайтарыы төрүөтэ билиннэ...
Айан суола - Олох-дьаһах

Депутатскай авиапордугар тахсыбыт улахан хаайтарыы төрүөтэ билиннэ

Бу күннэргэ батсаап, интэриниэт ситимнэригэр Усуйаана улууһун Хаһааччыйа нэһилиэгин олохтоохторо Депутатскайтан кыайан дьиэлэригэр көппөккө олороллорун, биир ый улуус киинигэр хаайтарбыттарын туһунан сурук тарҕанна. Еdersaas.ru кэрэспэдьиэнэ улуус баһылыга Георгий Федорову булан бу сурукка хоруйдууругар көрдөстө.

Улуус баһылыга Георгий Федоров

«400 киһини көтүттүбүт, 212 киһи уочаракка олорор»

— Кырдьык, дьон-сэргэ Депутатскайга балаҕан ыйын 5 күнүттэн хаайтаран олорор. Күн-дьыл туруга мөлтөх буолан, салгын тырааныспара кыайан көппөт. Дьиҥэр, бу маннык хаайтарыы күһүн, саас сылын аайы буолар. Ол эрээри быйыл хаһааҥҥытааҕар да тыаллаах-куустаах буолан, бөртөлүөт уһун кэмҥэ көппөтө. Көтөр кыаҕа да суох. Иккиһинэн, манна бэйэбитигэр миэстэтигэр салгын тырааныспара суох буолан, бөртөлүөттэр үчүгэй күнү баттаһа кыайан кэлбэккэ хаалаллар. Балаҕан ыйыгар диэри 400 киһини бөртөлүөтүнэн көтүппүппүт. Аны билигин уочаракка 212 киһи баар. Хайыр, Юкагир, Хаһааччыйа олохтоохторо хаайтаран олороллор. Уу суолунан сылдьыы биһиэхэ балаҕан ыйын 20 күнүгэр тохтообута. Нэһилиэктэр аһынан-үөлүнэн бары хааччыллан олороллор. Оттон хаайтаран олорооччуларга көмө туһунан эттэххэ, үлэтэ суох дьоҥҥо, элбэх оҕолоох ыалларга биирдии тыһыынча көмө оҥорбуппут. Билигин күн-дьыл туран биэрдэр, бөртөлүөт кэлиэ этэ. “Полярные авиалинии” авиахампаанньаны кытары күн аайы кэпсэтэ олоробут.

 

 

 

Маннык ис хоһоонноох сурук батсаабынан оптуорунньукка тарҕаммыта.

Аграфена КУЗЬМИНА, edersaas.ru

#бүгүн: 1
1
1

Сайт матырыйаалларын ааптар көҥүлэ суох ылар бобуллар.