Ыам ыйын 15 күнүттэн Москва куоракка, ЦСКА спорткомплексыгар байыаннай сулууспалаахтар ортолоругар көҥүл тустууга аан дойду чөмпүйэнээтэ саҕаланна.
Бу улахан түһүлгэҕэ 61 киилэҕэ диэри ыйааһыҥҥа Арассыыйа чиэһин биир дойдулаахпыт, дойду былырыыҥҥы чөмпүйэнээтин боруонса призера Дмитрий Аксенов көмүскүүр.
Бэҕэһээ Дмитрий бастакы эргииргэ бэрт хатыһыылаах хапсыһыыга Кытай тустуугун Тян Женгы 5:1 ахсаанынан сабырыйда. Салгыы финал аҥарыгар байыаннайдар аан дойдутааҕы оонньууларын призера Элдос Абикеновы (Казахстан) баһыйа тутта — 5:0. Онон бүгүн кыайыылааҕы быһаарар түмүк хапсыһыыга монгол Хаш Эрденэ Бамбадоржу кытта тустуоҕа.
Чөмпүйэнээт бастакы күнүгэр Арссыыйа сүүмэрдэммит хамаандатыттан Дмитрийы сэргэ Начын Куулар (65 кг), Сослан Рамонов (70 кг) итиэннэ Заурбек Сидаков (74 кг) финалга таҕыстылар.
Роман ПОПОВ, “Саха сирэ” хаһыат, edersaas.ru
+1
+1
+1
+1
+1
+1
+1