Бэс ыйын 20-21 күннэригэр Чурапчы улууһугар төрүт көрүҥнэргэ спорт маастара Степан Степанович Алексеев аатынан «Тоҕус Томтор оонньуулара» ыытылынна. Күрэхтэһиигэ биэс бөҕөс визитка этиитигэр, мас тардыһыытыгар, бэрэмэдэйдээх сүүрүүгэ, балаҕан үрдүнэн таас быраҕыыга, тутум эргииргэ, кулун тардыһыытыгар, тоҕус туос куобахтааһыҥҥа, хапсаҕайга уонна бэрэбинэни көтөҕүүгэ күрэс былдьастылар. Уопсай түмүгүнэн Уус Алдан бухатыыра Дмитрий Попов муҥутуур кыайыылаах аатын сүгэн, массыынанан наҕараадаланна. Сунтаар бөҕөһө Рустам Ксенофонтов иккис миэстэ буолан, квадроцикл хаһаайына буолла. Үһүс бочуоттаах миэстэни уонна матасыыкыл бирииһи ылары Чурапчыттан Семен Аммосов ситистэ.
Николай Попов «Саха Сирэ» хаһыат, edersaas.ru
+1
+1
+1
+1
+1
+1
+1