Дьокуускай куорат 2 №-дээх оскуолатын 3-5 кылаастарыгар үөрэнэр 14 оҕо Прагаҕа баран кэллэ.
Надежда ЕГОРОВА, «Саха сирэ» хаһыат, edersaas.ru
Саха сирин үөрэнээччилэрэ «Очарование богемии» диэн аан дойдутааҕы 9-с бэстибээл-конкуруска кытыннылар. Кинилэртэн 5 оҕону, ол иһигэр Дьулуур Николаевы, быйыл алтынньыга Санкт-Петербурга ыытыллыахтаах «Палитра мира» аан дойдутааҕы бырайыак VII суперфиналыгар ыҥырдылар. Суперфиналга кыттар быраабы «Палитра мира» бырайыак куонкуруһугар I истиэпэннээх лауреат буолбут эбэтэр «Салют талантов» бырайыак чэрчитинэн ыытыллыбыт быыстапкаларга кыттыбыт оҕолор ылаллар. Онтон Дьулуур Николаев – орто саастаах оҕолорго «Изобразительное творчество» номинацияҕа I истиэпэннээх лауреат. Кини учуутала – Марианна Ильина.
Саха сириттэн барбыт оҕолор Европа дойдуларынан айаннаан, биир саастыылаахтарын кытары бодоруһан, атын оҕолор дьоҕурдарын көрөн-истэн астынан кэллилэр. Саха сатаабатаҕа суох дииллэринии, биһиги оҕолорбут инники былааннарынан «Салют талантов» айар холбоһук ыҥырыытын ылынан, Санкт-Петербурга баран ситиһиилээхтик кыттыы уонна искусство киэҥ эйгэтин баһылыылларын итэҕэтии буолла.
Надежда ЕГОРОВА, «Саха сирэ» хаһыат, edersaas.ru