Бүгүн сарсыарда 9 чаас саҕана Дьокуускай аэропуордугар бөх быраҕар баахха буруо таһаарар шашканы бырахпыттарын буллулар.
Аэропуорка баар дьону, үлэһиттэри таһырдьа эвакуациялаатылар. Уопсайа 400 киһи эвакуацияланна диэн Ыксаллаах быһыы-майгы министиэристибэтэ биллэрдэ. Дьиэ иһигэр кинологтар уонна куттал суох буолуутун сулууспалара үлэлээбиттэр.
Аэропуорт пресс-сулууспата иһитиннэрбитинэн, 9:25 ч. ыксаллаах быһыы-майгы тохтотуллан, аэропуорт үлэтин салҕаабыта.
Николай Попов, «Саха сирэ» хаһыат, edersaas.ru
+1
+1
+1
+1
+1
+1
+1