«Дьокуускай – Аллараа Бэстээх” паромҥа электроннай билиэттэри киллэриэхтэрэ

Бөлөххө киир:

Күн аайы Өлүөнэ өрүс уҥуор биэрэгэр Аллараа Бэстээххэ паромҥа кырата балтараа чаас уочараттаан, 3 тыһ. массыына туоруур. Айанньыттар кыһалҕаларын быһаарар туһугар эрдэттэн миэстэни бронируйдуур уонна билиэт атыылыыр автоматизированнай ситим сотору үлэтин саҕалыахтаах.  

edersaas.ru

СӨ тырааныспарын уонна суолун хаһаайыстыбатын миниистирин э.т. Александр Тарасов, билиҥҥитэ уон паром массыыналары туоратарын, причалы кэҥэтии үлэтэ барарын, биэрэккэ суол быраабылатын бэлиэтэ турарын, ону кэһии таҕыстаҕына, хаартыскаҕа түһэрэллэрин, видеоҕа усталларын эттэ. Өрөбүллэргэ автоинспекция үлэһиттэрэ дьуһуурустубалаан, паромҥа киирии-тахсыы син бэрээдэктэнэн эрэр.

Премьер Владимир Солодов Инновация, цифровой сайдыы уонна инфокоммуникационнай технология министиэристибэтигэр кылгас болдьох иһигэр паромнар сырыыларын онлайн-расписаниетын оҥорон, биир кэлим информационнай ситими олоххо киллэрэргэ сорудахтаата.

Бэстээххэ туоруур тырааныспар ахсаанын аҕыйатарга Мохсоҕоллоох аннынан баар паромнары эмиэ туһанар наадалааҕын бэлиэтээтэ.

Марианна Тыртыкова, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0