close
Дьокуускайга 22 тыһыынча оҕо лааҕырдарга сынньаныа...
Кыһа - Олох-дьаһах

Дьокуускайга 22 тыһыынча оҕо лааҕырдарга сынньаныа

Быйыл киин куоракка оскуолалар истэринэн күнүскү өттүгэр үлэлиир сайыҥҥы лааҕырдар бэс ыйын 5, улахан стационарнай лааҕырдар бэс ыйын 15 күннэриттэн ааннарын тэлэччи арыйдылар.

7,5 тыһыынча оҕо күнүскү өттүгэр чэбдигирдэр, стционарнай уонна балааккалаах лааҕырдарга сынньаныахтара. 230 оҕо санаторнай-курортнай эмтэниини ааһыа, 245 оҕо өрөспүүбүлүкэ тас өттүгэр тахсан сынньанар кыахтаныахтара. Олорор сирдэринэн туспа бырагыраамаларынан уонна бырайыактарынан 12300 оҕо хабыллыа. Онон быйыл сайын Дьокуускай уокуруктарынан 22 тыһыынча оҕо сайыҥҥы сынньалаҥа быһаарыллыа.

Дьокуускай куорат үөрэххэ управлениета оскуолалар истэринэн күнүскү өттүгэр 51 лааҕыры арыйарга былааннаабыта. Олор бары тигинэччи үлэлээн эрэллэр. Бэс ыйын 8 күнүгэр куорат дьаһалтата Севастополь куорат “Радость” лааҕырыгар 245 оҕону сынньатар туһунан дуогабарга илии баттаспыта. Итинтэн 65 оҕо толору муниципальнай бүддьүөт суотугар сынньаныахтаах. Атыттарга куорат бүддьүөтүттэн 38 тыһыынчалаах путевка төлөнөр, оттон айанын ороскуотун субсидиялаах билиэтинэн төрөппүттэрэ уйуналлар. Куорат баһылыга оҕолору талыы киритиэрийдэрин быһаарар туһунан дьаһала тахсыбыта, — диэн Дьокуускай куорат үөрэххэ управлениетын иитэр үлэҕэ уонна эбии үөрэхтээһиҥҥэ отделын начаалынньыга Егор Охлопков этэр.

Ангелина Васильева, “Саха сирэ” хаһыат, edersaas.ru

0
0

Сайт матырыйаалларын ааптар көҥүлэ суох ылар бобуллар.
Facebook
Facebook
Instagram
GOOGLE
http://edersaas.ru/dokuuskajga-22-ty-yyncha-o-o-laa-yrdarga-synnanya/

Санааҕын хааллар

INSTAGRAM ЛЕНТАТА

Instagram батыһан бар