Дьокуускайга барыллаан куоластааһын дебаттара түмүктэннилэр

Ааптар: 
Бөлөххө киир:

Өрөспүүбүлүкэ киин куоратыгар “Биир ньыгыл Арассыыйа” баартыйа аны күһүн буолар Дьокуускай куорат баһылыгын быыбарыгар хандьыдааты талар барыллаан куоластааһынын дебаттара түмүктэннилэр.

Роман ПОПОВ, “Саха сирэ” хаһыат, edersaas.ru

Баартыйа Саха сиринээҕи салаатын сэкирэтээрэ Александр Ноговицын барыта алта былаһаакканан барбыт дебаттар праймериз биир сүрүн түһүмэҕинэн буолалларын ыйан туран, манна эрэ быыбардааччы хайа хандьыдаат тугунан тыынарын, туох өйдөөх-санаалаах киһи буоларын быһаарар кыахтанарын эттэ.

Дебаттар саамай көхтөөх кыттааччыларынан Дьокуускай баһылыга Айсен Николаев буолар, кини биир да дискуссияны көтүппэтэ, барыларыгар кэлэн бэриллибит тиэмэлэргэ санаатын эттэ. Эдэр гвардеец Святослав Софронеев, “Устудьуоннары, ыччаты социальнай өттүнэн өйөөһүн” ХЭУо генеральнай дириэктэрэ Николай Потапов, теле-биэриилэри ыытааччы Андрей Хорошев, урбаанньыт Ирина Высоких – үстүү, оттон “Праздник жизни+” ХЭУо дириэктэрэ Татьяна Тымырова, Промышленнай уокурук быраабатын исписэлииһэ Григорий Зорин иккилии көрсүһүүлэргэ кытыннылар.

Барыллаан куоластааһын кыттыылаахтарыгар аҕытаассыйаны ыыталларыгар аҕыйах хонук хаалла. Ыам ыйын 28 күнүгэр киин куорат олохтоохторо 23 учаастакка кэлэн сөбүлээбит хандьыдааттарыгар куоластарын биэриэхтэрин сөп.

Роман ПОПОВ, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0