Бу күннэргэ Дьокуускайга Япония Ямагата префектуратын дзюдоҕа делегацията ыалдьыттыыр. Уон киһилээх бөлөҕү префектура дзюдоҕа федерациятын дириэктэрэ Каномата Осаму салайар.
Доҕордуу сибээһи олохтуур, дзюдону прапагандалыыр инниттэн уонна олохтоох бэйэни салайыныы күнүгэр сөп түбэһиннэрэн муус устар 21 күнүгэр “Кыайыы 50 сыла” Спорт дыбарыаһыгар күнүс 15-00 чаастан Дьокуускай уонна Ямагата префектура (Япония) эдэрдэргэ хамаандаларын икки ардыларыгар дзюдоҕа табаарыстыы көрсүһүү ыытыллыаҕа.
Ыалдьыттар бу иннинэ Хотугулуу-Илиҥҥи университекка сылдьан устудьуоннары кытта көрсүһүөхтэрэ, дзюдо туһунан лиэксийэ ааҕыахтара. Олимпийскай эрэл училищетыгар семинар, маастар-кылаас ыытыахтара.
Роман Попов, “Саха сирэ” хаһыат, edersaas.ru
+1
+1
+1
+1
+1
+1
+1