Дьокуускайга хаҥкылыыр сиргэ охсуһуу тахса сыста (ВИДЕО)

Ааптар: 
Бөлөххө киир:

Киин куорат Таалай күөлүгэр оҥоһуллубут хаҥкылыыр сиргэ бэҕэһээ киэһэ ыччаттар охсуһа сыспыттар диэн сурах тарҕаммыта. 

Вера МАКАРОВА, «Саха сирэ» хаһыат, https://edersaas.ru/ 

Буолаары буолан, ким эрэ суотабай төлөпүөнүгэр ыраахтан, үөһэттэн устубут видеота эмиэ баар. Онно балачча элбэх киһи мөрөйдөһө-сырсыакалаһа сылдьаллара көстөр. Бу тугуй? Туох буолбутай?

Дьокуускай куорат полициятын пресс-сулууспата: 

— Кулун тутар 19 күнүгэр, киэһэ 22.00 чаас саҕана, 2 №-дээх полиция отделыгар хаҥкылыыр сиртэн биир киһиттэн тыллабыр киирбит. Таалай күөл оройуонугар ханнык эрэ уолаттар күлүүгээннииллэрин туһунан.

Полицияны ыҥырбыт бу туоһу этэринэн, ыччаттар бөлөхтөрө кэлэн, бэрээдэгэ суохтук быһыыламмыттар — анньыалаһыы-мөрөйдөһүү саҕаламмыт.

Быһылаан сиригэр тиийбит полицейскайдар Бүлүүттэн уонна Сунтаартан төрүттээх эдэр дьону туппуттар. Бу тутуллубут уолаттар быһаарбыттарынан, кинилэр атастарын икки ардыгар иирсээн тахсыбыт, онуоха икки өттүттэн билэр уолаттарын көмөҕө ыҥырбыттар.

Полиция кэмигэр кэлэн, охсуһуу тахсыбата, тута бохсулунна.

Билигин бу мөрөйдөһүү атын кыттыылаахтарын көрдүүллэр. Бу чахчынан бэрэбиэркэ барар.

Вера МАКАРОВА, «Саха сирэ» хаһыат, https://edersaas.ru/ 

Хаартыска: интернеттэн.

+1
0
+1
0
+1
0
+1
0
+1
0
+1
0
+1
0