close
Дьокуускайга икки паарка сэргэстэһиэҕэ
Бэлиитикэ - Олох-дьаһах - ҮҺҮ

Дьокуускайга икки паарка сэргэстэһиэҕэ

«Олоҥхо сирэ» комплекс “Арассыыйа – мин историям” паарканы кытта сэргэстэһиэҕэ

Аҕыйах хонуктааҕыта “Олоҥхо сирэ” комплекс сиригэр-уотугар РФ Градостроительнай кодексын балаһыанньаларын кэһэн туран, туох да көҥүллэтиитэ суох “Арассыыйа – мин историям” түмэли тутуу саҕаламмытын туһунан “Олоҥхо сирэ” комплекс” пуонда” коммерческайа суох тэрилтэ Дьокуускай куорат, Саха сирин, дойду олохтоохторугар туһаайбыт суруга электроннай СМИ-нэн тарҕаммыта.

Роман Попов, “Саха сирэ” хаһыат, http://edersaas.ru

«Земля Олонхо»: «На нашей территории строят музей «Россия – моя история»!» суруйууга “Арассыыйа – мин историям” паарканы уонна түмэли тутуу “Олоҥхо сирэ” бырайыак көҕүлээччилэрин, уопсастыбаннаһы кытта сөбүлэһиннэриллибэккэ, дьүүллэһиллибэккэ ыытыллара бэлиэтэммитэ.

Онон сэдиптээн “Олоҥхо сирэ” комплекс” пуонда” коммерческайа суох тэрилтэ салалтата РФ бэрэсидьиэнэ Владимир Путиҥҥа, СӨ Ил Дарханыгар Егор Борисовка, Дьокуускай куорат баһылыгар Айсен Николаевка аадырыстаан сурук ыыппытын иһитиннэрбитэ.

Бэҕэһээ эмиэ социальнай ситимнэринэн «Земля Олонхо»: «На нашей территории строят музей «Россия – моя история»!» ыстатыйаҕа Саха Өрөспүүбүлүкэтин бырабыыталыстыбатын бэрэссэдээтэлин солбуйааччы Алексей Дьячковскай хардата тарҕанна.

Кини эппитинэн, Олоҥхо киинин сэргэ “Арассыыйа – мин историям” паарка тутуллуоҕа. Бу сүдү бырайыагы бүтүн дойду үрдүнэн Гуманитарнай бырайыактар пуондалара олоххо киллэрэрин ыйан туран, Алексей Дьячковскай ону сэргэстэһиннэрэ өрөспүүбүлүкэ судаарыстыбаннаһын түмэлэ тутуллуоҕун иһитиннэрдэ. Билигин Саха сирин араас улуустарыгар: Намҥа Максим Аммосова, Үөһээ Бүлүүгэ Исидор Барахов, Тааттаҕа Платон Ойуунускай түмэллэрэ үлэлии туралларын, онно өрөспүүбүлүкэ үгүс олохтоохторо сылдьар кыахтара суоҕун ыйда. Онон Дьокуускайга биир киин баар буоллаҕына, улуу биир дойдулаахтарбыт туһунан кинилэр элбэх саҥаны билэр кыахтаныахтара диэтэ.

Алексей Дьячковскай “Олоҥхо сирэ” куорат олохтоохторо култуурунай, сынньанар сирдэринэн буолуоҕун бэлиэтээтэ.

Роман Попов, “Саха сирэ” хаһыат, http://edersaas.ru

#бүгүн: 1
0
0

Сайт матырыйаалларын ааптар көҥүлэ суох ылар бобуллар.

Мин санаам:

16 − восемь =