Бу күннэргэ Дьокуускайга Кэбээйи улууһа тэриллибитэ 80 сылыгар аналлаах үөрүүлээх тэрээһиннэр ыытыллыахтара.
edersaas.ru
Сэтинньи 29 күнүгэр 10 ч. П.Ойуунускай аатынан литэрэтиирэ мусуойугар кэбээйилэр биир дойдулаахтара, суруйааччылар И.Н.Левин – 75, П.Е.Степанов – 85, В.И.Иванов – 75, Г.К.Эверстов – 75, И.И.Иннокентьев 60 саастарыгар аналлаах тэрээһин буолуоҕа;
Өрөспүүбүлүкэ олохтоохторо «Саха» телевидениетын «Үчүгэйиэн бу сиргэ» биэриитигэр «Биир дойдулаахпыт, буойун-суруйааччы Т. Е. Сметанин төрөөбүтэ 100 сыллаах үбүлүөйүн көрсө» биэриини сэргии истиэхтэрэ;
Сэтинньи 30 күнүгэр 15.00 ч. уу тырааныспарын институтугар «Кинилэр улуус историятын суруйбуттара» научнай-практическай кэмпириэнсийэ буолуоҕа;
Бу күн киэһэ 5 чаастан «Арчы Дьиэтигэр» Кэбээйи улууһун баһылыга Игнатий Спиридонов орто уонна үрдүк үөрэх кыһаларыгар үөрэнэр устудьуоннары, ыччаттары кытары көрсөн, кинилэр санааларын истиэҕэ, сүбэ-ама биэриэҕэ;
Ахсынньы 1 күнүгэр Игнатий Спиридонов «Саҥа күн» биэриигэ биир дойдулаахтарын эҕэрдэлиэҕэ;
14.00 ч. П.Ойуунускай аатынан Саха тыйаатырын кыра саалатыгар баһылык Кэбээйи улууһуттан төрүттээх бэтэрээннэри, куораттааҕы түмсүү чилиэннэрин кытары атах тэпсэн олорон сэһэргэһиэҕэ;
16.00 ч. кыра саалаҕа Т.Е.Сметанин аатынан норуот тыйаатыра «Бүдүрүйбэт сүһүөхтээх Мүлдьү Бөҕө» олоҥхо-испэктээги туруоруоҕа;
18.00 ч. Саха тыйаатырыгар кэбээйилэр уонна ыалдьыттар аһымал санааланыы улахан кэнсиэригэр дойду ахтылҕаныгар куустарыахтара (билиэт сыаната 500 солкуобай). Киирбит үп Дьокуускайга Култуура уонна сынньалаҥ пааркатыгар фронтовик-бэйиэт Егор Сметанин төрөөбүтэ 100 сылыгар ананар «Лоокуут уонна Ньургуһун» өйдөбүнньүк туруоруллуутугар бэриллиэҕэ.
Ахсынньы 2 күнүгэр 10 чаастан Орджоникидзе болуоссатыгар «Кэбээйим ахтылҕаннаах аһа-үөлэ» дьаарбаҥка-быыстапка үөрүүлээх быһыыга-майгыга аһыллыаҕа;
10 ч. 30 мүн. «Кэбээйи оонньуулара» спорт күрэҕэ саҕаланыаҕа уонна Саха тыйаатырыгар «Кэбээйим уустара-ураннара» айар дьоҕурдаахтар, маастардар быыстапкаларын мустубут дьон сэргии көрүөҕэ;
14.00 ч. Саха тыйаатырыгар Т.Е.Сметанин «Оҕолорго аналлаах кэпсээннэр, сэһэннэр, остуоруйалар уонна пьесалар» кинигэтэ сүрэхтэниэҕэ;
17.00 ч. улуус тэриллибитэ 80 сылыгар аналлаах үөрүүлээх мунньахха уонна «Кэрэ дойдум Кэбээйи» улахан кэнсиэркэ улуус бары нэһилиэктэриттэн бастыҥ ырыаһыттар уонна үҥкүү кэлэктииптэрэ эҕэрдэлиэхтэрэ;
21.00 ч. «Көлүөнэлэр көрсүһүүлэрэ» биэчэр буолуоҕа.
Надежда ЕГОРОВА, «Саха сирэ» хаһыат, edersaas.ru