Тохсунньу 27 күнүгэр Ленинград куораты фашистскай халабырдьыттартан босхолооһун Россия үрдүнэн бэлиэтэннэ. 1944 сыллаахха бу күҥҥэ диэри 900-чэкэ суукка Ленинграды фашистар төгүрүйэн олорбуттара. Төрөөбүт куораттарын икки сылтан ордук көмүскээбит саллааттар уонна олохтоохтор хорсун быһыылара умнуллубат.
Чэлгийээнэ Бахсырова, «Саха сирэ» хаһыат, edersaas.ru
Олор истэригэр тыһыынчанан саха Ленинграды көмүскээбитэ. Билигин кинилэртэн Прокопий Березин, Трофим Жирков, Прокопий Степанов Дьокуускайга олороллор. «Ыарахана бэрт буолан, ийэм, эдьиийдэрим тыыннаахтарыгар сэрии туһунан кэпсэппэт этибит. 2009 с. Санкт-Петербурга тиийэн хас да байыаннай музейга сылдьыбытым, ол иһигэр Ленинград көмүскэлин Мемориальнай музейыгар. Ол кэнниттэн оҕо сааспын санаан утуйбат буолбутум. Былакаада кыттыылаахтара Арассыыйа араас муннугар олороллор, ол гынан баран Дьокуускайга курдук чиэстэммэттэр. Куорат нэһилиэнньэ, үлэ социальнай көмүскэлин управлениетыгар кыһамньыгыт иһин махтанабын» — диир Лениград былакаадатын кыттыылааҕа Лилия Мустафина.
Бу өйдөбүнньүк күн Емельян Ярославскай аатынан музейга Ленинград блокадатын кыттыылаахтарыныын көрсүһүү буолла. Манна Дьокуускай куорат баһылыгын социальнай боппуруоска солбуйааччы Евдокия Евсикова, СӨ үлэ, социальнай сайдыыга миниистирин солбуйааччы Татьяна Степанова, СӨ ыччат уонна дьиэ кэргэн политикатын миниистирин солбуйааччы Алексей Щербаков, Дьокуускай куорат нэһилиэнньэ, үлэ социальнай көмүскэлин управлениетын начальнига Семен Матвеев, СӨ «Победа» ГБТ директора Галина Лебедева, дьоруой-куорат былакаадатын кыттыылаахтарын Аан дойдутааҕы ассоциацияларын уопсастыбаннай түмсүүлэрин региональнай салаатын салайааччыта Раиса Зырянова, Дьокуускай куорат бэтэрээннэрин Сэбиэтин бэрэссэдээтэлин солбуйааччы Антонина Дорофеева, Арассыыйа үтүөлээх артыыһа Александр Самсонов, уопсастыбынньыктар, ыччат кытыннылар.
Чэлгийээнэ Бахсырова, «Саха сирэ» хаһыат, edersaas.ru