Ыам ыйын 25 — 27 күннэригэр өрөспүүбүлүкэ киин куоратыгар, “Туймаада” стадиоҥҥа ГТО VI — XI-с кэрдиистэрин нормативтарын туттарыыга “Мир. Май. ГТО” диэн ааттаах тэрээһин ыытыллар.
edersaas.ru
Бу күннэргэ 18-тан 70-гэр диэри саастаахтар кэлэн бэйэлэрин бөлөхтөрүгэр Бүттүүн Арассыыйатааҕы ГТО нормативтарын туттарыахтарын сөп. Бастыҥ көрдөрүүлэммиттэр ГТО комплексын кыһыл көмүс, үрүҥ көмүс уонна боруонса значоктарынан бэлиэтэниэхтэрэ.
Билиҥҥи туругунан 17 үлэ кэлэктиибэ сайаапкатын биэрэн олорор. Аахсыйа кэмигэр 300-кэ киһи бэйэтин күүһүн-кыаҕын тургутунан көрөр санаалаах.
ГТО-ну туттарыан баҕалаахтан ким буоларын туоһулуур докумуон, быраастан ыспыраапка ирдэниллэр. Уонна хайаан да gto.ru сайтка киирэн регистрацияланыан наада.
Тестирование регионнааҕы киинин дааннайынан, сайтка 22 тыһыынча кэриҥэ киһи регистрацияламмыт.
«Мир. Май. ГТО» өрөспүүбүлүкэтээҕи аахсыйаны үөрүүлээхтик арыйыы “Туймаада” стадиоҥҥа ыам ыйын 25 күнүгэр сарысарда 11-00 чаастан буолар.
Роман Попов, edersaas.ru