Үлэ сылын чэрчитинэн итиэннэ «Азия оҕолоро» VI Аан дойдутааҕы спортивнай оонньуулары көрсө, өрөспүүбүлүкэ киин куоратыгар 58 саҥа ыскамыайка туруорулунна.
Еdersaas.ru
Куорат олохтоохторо оптуобустар тохтобулларыгар олорон сынньанар ыскамыайкалары туруорарга сиэрдээхтик туруорсалларын иһин «Куорат хаһаайыстыбатын туһаныы сулууспата» муниципальнай-хаһыанай тэрилтэ (МХТ) былырыын бэйэтэ хомуллар уонна рекламнай щитнээх ыскамыайкалары оҥорбута. Ону дьон-сэргэ олус биһирээбиттэрэ. Тэрилтэ быйыл сайын отут ыскамыайканы эбии туруорда.
Владимир Аммосов, куорат Думатын дьокутаата, «Куорат хаһаайыстыбатын туһанар сулууспа» МХТ дириэктэрин солбуйааччы:
— Маннык ыскамыайкалары Чернышевскай уулуссаттан саҕалаан аэропорка диэри баар оптуобус тохтобулларыгар итиэннэ Хатас сэлиэнньэтигэр туруоруохпут. Ону таһынан куорат тупсаҕай эйгэтин тэрийиигэ туһуламмыт бырайыагынан элбэх кыбартыыралаах дьиэлэр олбуордарыгар сүүс саҥа ыскамыайканы аҕалан оҥоруохпут.
Раиса СИБИРЯКОВА, “Саха сирэ” хаһыат, edersaas.ru