Бүгүн алтынньы 14 күнүгэр Дьокуускай куорат «Небесная река» спортивнай саалатыгар ушу-саньда көрүҥҥэ күрэхтэһии буола турар.
Кэлиҥҥи кэмҥэ Дьокуускай куоракка ушу бары көрүҥнэригэр араас хабааннаах күрэхтэһиилэр күүскэ ыытыллар буоллулар.
Ушу-саньда (саньшоу) спорт көрүҥүн быһыытынан кытай бойобуой искусствотын үгэстэриттэн үөскээбит. Бэрт кылгас кэм иһигэр аан дойду үрдүнэн 70-ча дойдуга тарҕаммыт. Бу көрүҥ сүрүн уратытынан охсуу уонна быраҕыы тэҥинэн туһаныллаллар. Ханнык баҕарар оскуолаҕа туһаныллар охсуулары, ньыманы туһаныахха сөп. Ол эрээри, быраабыла быһыытынан охсуллуо суохтаах миэстэҕэ охсуллубат. Бу буола турар күрэхтэһиигэ кыра оҕолор (кыргыттар, уолаттар), эдэр дьон уонна улахан дьон кытта сылдьаллар.
Михаил Хабытов, кыттааччы, 26 саастаах:
– Мин бу бастакы кыттыым буолар. Олус интэриэһинэй эбит. Төһө тулуурдаахпын эбит диэн бэйэбин бэрэбиэркэлэнэн көрөбүн.
Күрэхтэһии кэмигэр тайзи цуаньынан дьарыктанааччылар араас хабааннаах хамсаныылары көрдөрөллөр (медитация).
Александр ТАРАСОВ, «Саха сирэ» хаһыат, edersaas.ru