Дьокуускайга «Великий шелковый путь» этно-бэстибээл улахан ситиһиилээхтик ааста
Бэҕэһээ, от ыйын 27 күнүгэр, Дьокуускайга «Сэргэлээх уоттара» Култуура киинигэр «Великий Шелковый путь» Евразия муусукатын этно-бэстибээлэ буолла. Бу аан бастаан ыытыллыбыт тэрээһин көрөөччүлэр биһирэбиллэрин ылыан ылла.
Саха Өрөспүүбүлүкэтин норуодунай артыыһа Герман Хатылаев 55 сааһыгар анаммыт бэстибээлгэ «Даэн» (Япония) уонна «Тэтим» (Саха сирэ) барабаанньыттар бөлөхтөрө, Непал, Япония, Монголия флейтистара кыттыыны ыллылар.
Биир тыынынан, өрө көтөҕүллүүлээхтик барбыт кэнсиэргэ сылдьыбыт дьон барабаан абылаҥнаах тэтимигэр, флейта умсугутар дьүрүһүйүүтүгэр бүүс-бүтүннүү куустаран муусука алыптаах эйгэтигэр ыалдьыттаатылар, «Муусука — норуот дууһата» диэн мээнэҕэ этиллибэтин итэҕэйдилэр.
Роман ПОПОВ, «Саха сирэ» хаһыат, edersaas.ru
Ааптар хаартыскаҕа түһэриитэ.
+1
+1
+1
+1
+1
+1
+1