- Бүгүн Ил Дархан Айсен Николаев ыйааҕынан доруобуйа харыстабылын миниистиринэн Елена Борисова ананна.
Елена Афраимовна бу иннинэ Дьокуускай куорат медицинскэй киинин дириэктэринэн үлэлии олорбута.
Ыспыраапка:
1975 с. Дьокуускайга төрөөбүтэ,
1994-2000 сс. – СГУ Медицинскэй институтугар үөрэммитэ;
2001-2002 сс. – Медицинскэй институт базатыгар интернатуратын барбыта;
2001-2002 сс. – Өрөспүүбүлүкэтээҕи 1-кы №-дээх балыыһаҕа акушер-гинекологынан үлэлээбитэ;
2003-2004 сс. – медико-генетическэй лаборатория научнай үлэһитэ;
2004-2009 сс. – СГУ Медицинскэй институтун кафедратын старшай преподавателэ;
2007-2008 сс. – Дьокуускай куорат Доруобуйа харыстабылын кэмитиэтин кылаабынай исписэлииһэ;
2008 с. – Дьокуускай куорат Доруобуйатын харыстабылын управлениетын начальнигын бастакы солбуйааччы;
2010-2012 сс. – Доруобуйа харыстабылын управлениетын начальнига;
2012 с. – Дьокуускай куорат медицинскэй киинин дириэктэрэ.
Аграфена КУЗЬМИНА, “Саха сирэ” хаһыат.