Графологтар, медиктэр уонна уйулҕа үөрэхтээхтэрэ киһи доруобуйатын буочарынан билиэххэ эмиэ сөп диэн быһаараллар. Онон сынньана, аралдьыйа таарыйа бу теһи толорон бэйэни көрүнүөххэ сөп. Ким итэҕэйэрэ, итэҕэйбэтэ бэйэтин көҥүлэ.
Маны толорорго илиниэйкэтэ да, килиэккэтэ да суох ыраас кумааҕыны ылаҕын. Хайаан да шариковай уруучуканан эбэтэр харандааһынан сорудаҕы толороҕун диэн суруйаллар. Фломастер, маркер барсыбаттар. Итиэннэ талбыт тиэкискиттэн уон устуруоканы суруйаҕын. Дьэ уонна аллараа бэриллибит табылыыссанан хоруйдаргын көрөҕүн.
Буочар уопсай көрүҥэ
Буочар Ылбыт баалыҥ
Бэрээдэгэ суох мөлтөх буочар 3
Тэбис тэҥ, ыраас буочар эрээри, эмиэ да быыһыгар
мөлтөөн ылардаах 8
Лоп курдук тэбис тэҥ буочар 12
—————————————————————————————————————————————————————————————————————————————
Буукубалары тылга холбооһун
Буукубалар ситэри холбоммотохтор 22
Адьас биир да хайаҕаһа суох бары ыксары
холбонон суруллубуттар 18
Кумааҕыга төһө күүскэ баттаан суруйаҕыный
Күүскэ. Кумааҕыга суол-иис хаалыар
диэри ыга баттаан суруллубут 20
Орто 14
Суох, ыга баттаабат эбиккин 7
Устуруокаҥ хайа диэки хайысхалааҕый
Аллараа диэки санньыйан түспүт 0
Илиниэйкэлээх олорон суруйбут
курдук көбүс-көнө 11
Үөһэ тахсан барар 15
Буукубаҥ хайдаҕый
Уһуктаах, муннуктаах курдук 18
Араас быһыылаах-таһаалаах 9
Төп-төгүрүк буукубалардааххын 8
Буукубаларыҥ хайа диэки иҥнэйэллэрий
Хайа да диэки иҥнэйбэтэхтэр 9
Уҥа диэки күүскэ иҥнэйбиттэр 5
Уҥа диэки бэрт кыратык иҥнэйэллэр 13
Хаҥас диэки бэрт кыратык 4
Хаҥас диэки олус күүскэ 1
Бөдөҥ дуу, бытархай дуу
Буукубаларыҥ 7 мм үрдүктээх
буоллахтарына 19
5-6 мм үрдүктээх 16
3-4 мм 6
3 мм киирсэр буоллахтарына 2
Эппиэттэр
48 баалтан кыра буоллаҕына. Үксүн кырдьаҕастар маннык буочардаах буолаллар. Эдэрдэр, орто саастаахтар иммунитеттара мөлтөх буоллаҕына, буочардара маннык уларыйыан сөп.
49–72 баал. Ис уоргаҥҥын (искин-үөскүн) көрдөрүнэриҥ ордук. Эбэтэр аллергияланыаххын, уойуоххун эмиэ сөп. Аскын-үөлгүн көрүн, элбэхтэ хамсан, сибиэһэй салгыҥҥа сырыт.
73–95 баал. Ис туругуҥ, уйулҕаҥ үчүгэй. Кылаабынайа, тымныйыма. Эндокринолокка, ЭКГ сырыт.
96–105 баал. Хааныҥ баттааһына эрэйдиир. Диабет, артрит эбиллиэн сөп. Быраастар да, чугас дьонуҥ да сүбэлэрин истибэт эбиккин.
106 баалтан үөһээ. Кыыһырдаххына уоххун-кылыҥҥын сатаан туттуммат эбиккин. Сэрэн, бэйэҕин бэйэн харыстан. Кыыһыра-тымта сырыттаххына куртаҕыҥ ыалдьыан, сүрэҕиҥ мөлтүөн сөп. Олоххо, дьоҥҥо-сэргэҕэ сыһыаҥҥын уларыт.