Оҕотун иккис этээстэн бырахпыт аҕа дьыалата силиэстийэлэнэн бүттэ

Ааптар: 
Бөлөххө киир:

Бу дьулаан быһылаан тохсунньу 28 күнүгэр Сунтаар сэлиэнньэтигэр буолбута — итирик аҕа 10 ыйдаах оҕотун иккис этээстэн быраҕан, улаханнык эчэппитэ.

edersaas.ru

Ити чахчынан РФ Холуобунай кодексатын 105-с ыст. 2-с чааһын «в» пуунунан — 30-с ыст. 3-с чааһынан холуобунай дьыала тэриллибитэ. Ол эбэтэр, бэйэтин көмүскэнэр кыаҕа суоҕа көстөн турар кыра саастаах киһини өлөрөргө суудайыы бэлиэтэ баарынан. Дьыала силиэстийэлэнэн бүппүтүн туһунан РФ Силиэстийэлиир кэмитиэтин Саха сиринээҕи управлениета иһитиннэрдэ.

Силиэстийэ быһаарбытынан, Сунтаар сэлиэнньэтин 24 саастаах олохтооҕо 2017 сыл атырдьах ыйыттан 2018 тохсунньутугар диэри кэмҥэ бииргэ олорор дьахтарын уонна кини 10 ыйдаах оҕотун өлөрөрүнэн суоһурҕана-суоһурҕана кырбыыр адьынаттаах эбит.

Онтон тохсунньу 28 күнүгэр, 00 чаас 01.50 мүн бириэмэ иһигэр 24 саастаах киһи итирик сылдьан, 2017 сыллаах төрүөх оҕото улаханнык ытаа да ытаа буоларын тулуйбакка уонна утуйарыгар мэһэйдэтэн, ньиэрбинэйдээн баран, оҕону оронуттан ылан, хостон тахсан, иккис этээс кирилиэһиттэн (2,8 м үрдүктэн) маҥнайгы этээскэ бырахпыт. Ол түмүгэр, оҕо төбөтүгэр уонна түөһүгүэр улахан эчэйиилэри ылбыт. Оҕотун ситэри сиэҕин, ийэтэ түбэһэ кэлэн, «суһал көмөнү» ыҥырбыт.

Бу аҕа буолуохсут урат киһини өлөрөрүнэн суоһурҕанан (РФ ХК 119-с ыст. 1 чааһынан), сууттана сылдьыбыт эбит.

Силиэстийэ кэмигэр 4 экспертиза ыытыллан, бу киһи тугу оҥорорун өйдөөбөтүн, ол эбэтэр, мөлтөх өйдөөҕүн («слабоумие») быһаарбыттар.

Доппуруос кэмигэр буруйун толору билиммит.

Дьыала силиэстийэлэнэн бүтэн, буруйданааччыны күһэлэҥ эмтээһиҥҥэ ыытар туһунан боппуруоһу быһааттарарга суут көрүүтүгэр барбыт.

Биһиги корр., «Саха сирэ» хаһыат, edersaas.ru

Хаартыска: Якутск.ру

Оҕотун иккис этээстэн бырахпыт (ВИДЕО)

+1
0
+1
0
+1
0
+1
0
+1
0
+1
0
+1
0