“Дыгын оонньуулара-2018”: тоҕус путевка иһин киирсии саҕаланар

Ааптар: 
Бөлөххө киир:

Муус устар 29-30 күннэригэр “Дохсун” футбол манеһыгар “Дыгын оонньууларыгар” бастакы сүүмэрдиир түһүмэх ыытыллыаҕа. Онно эр бэртэрэ биэс путевканы былдьаһыахтара.

edersaas.ru

Бүгүҥҥү күҥҥэ күрэскэ Намтан Алексей Кутуков, Антон Тойтонов, Кэбээйиттэн Николай Иванов, «Амма мадьыныта» күрэс кыайыылааҕа Владимир Федоров, многоборьеҕа өрөспүүбүлүкэтээҕи турнир “буруолуу” сылдьар чөмпүйүөнэ Борис Сдвижков кытталлара күүтүллэр. Кинилэри сэргэ “Боотур” кулууптан уонча уол күүһүн холоһуо диэн буолар.

Арай Леонид Филиппов уонна Дьулустаан Ноговицын бу түһүмэххэ кыттыбаттара чахчы эбит. Sportyakutia.ru суруйарынан, Филиппов билигин аны сайын дойдутугар, Аммаҕа, ыытыллар Саха сирин норуоттарын Спортивнай оонньууларыгар, оттон Ноговицын ыам ыйын 25-27 күннэригэр Нальчикка буолар мас тардыһыытыгар Арассыыйа чөмпүйэнээтигэр анаан-минээн эрчиллэ, бэлэмнэнэ сылдьаллар.

Санатан эттэххэ, былырыыҥҥы күрэскэ үс бастакы миэстэни ылбыт Егор Филиппов, Артем Варданян итиэннэ Алексей Козлов быйылгы “Дыгын оонньууларгыр” сүүмэрдээһинэ суох, быһа кыттар бырааптаахтар. Хаалбыт тоҕус путевка иһин муус устар 29-30 күннэригэр “Дохсун” манежка уонна ыам ыйын эргэтигэр “Орто дойду” этнокомплекска сытыы киирсиилэр буолаллара күүтүллэр.

Күрэхтэһии бырагыраамата

Муус устар 29 күнэ

09.00 – 10.00 –мандат хамыыһыйата, кыттааччылар сэрэбиэйдэһиилэрэ.

10.00 – 10.30 – хамаанда бэрэстэбиитэллэрэ кыттыылаах судьуйалар мунньахтара

10.30 – 11.00 – күрэхтэһиини үөрүүлээхтик арыйыы.

11.00 – 13.00 – “Үс төгүл үс”.

13.00 – 14.00 – тохтобул

14.00 – 16.30 – “Тутум эргиир”, мас тардыhыыта

Муус устар 30 күнэ

09.30 – 10.00 – судьуйалар мунньахтара

10.00 – 16.00 – оҕунан ытыы, 400 м сырсыы, хапсаҕай, таас көтөҕүү;

16.00 – 16.30 – кыайыылаахтары наҕараадалааһын.

Роман Попов, “Саха сирэ” хаһыат,edersaas.ru

+1
0
+1
0
+1
0
+1
0
+1
0
+1
0
+1
0