Устудьуоннар этэрээттэрэ Саха сиригэр тэриллибитэ быйыл 50 сыла буолар. Ол тухары сүүһүнэн тыһыынча ыччат байыас аатын чиэстээхтик сүгэн, устудьуоннуур сылларын умнуллубатык атаарда. 2018 сыллаахха Бүтүн Арассыыйатааҕы устудьуоннар этэрээттэрин слеттара Ростове-на-Дону куоракка буолуоҕа. Бу туһунан бүгүн Киин штаб хамандыыра Михаил Киселев биллэрдэ.
«Эһиилги слету ыытар туһугар Санкт-Петербург уонна Ростов-на-Дону кииристилэр. Онуоха, иккиһэ кыайда. Питерга 2020 эбэтэр 2021 с. буолуоҕа«, — диэтэ Киселев.
Үгэс курдук, үбүлүөйдээх 2019 с. слет Москваҕа ыытыллыаҕа.
Онон, Дьокуускайга слет түмүгүнэн, знамяны Ростов-на-Дону штабыгар үөрүүлээх быһыыга-майгыга туттарыахтара.
Санатан эттэххэ, билигин Саха сиригэр Россия 74 субъегыттан 2000 тахса кыттааччы кэллэ.