Нерюнгри куоракка түмүктэммит Уһук Илиҥҥи регион 2002-2003 сс. төрүөх уолаттар ортолоругар бокска бастыыр иһин күрэхтэһиитигэр Василий Лисица тириэньэрдээх Саха сирин хамаандата бастакы миэстэни ылары ситистэ.
Ол курдук, Роман Винокуров (44 кг), Николай Пшенников (46 кг), Дьулустаан Иванов (52 кг), Илья Васильев (60 кг), Владислав Кузьмин (66 кг) итиэннэ Станислав Иванов (80 кг) пьедестал үрдүкү үктэлин дабайдылар. Онон, дойдуга бастыыр иһин күрэхтэһиигэ 44 кг диэри ыйааһын суоҕунан, билиҥҥитэ эдэр боксердарбыт биэс путевканы ыллылар.
Нерюнгри рингэтигэр Саха сириттэн, Приморьеттан, Хабаровскайтан, Камчаткаттан, Амур, Сахалин уобаластарыттан, Камчаткатан барыта 108 боксер күрэс былдьаста.
Роман Попов, “Саха сирэ” хаһыат, edersaas.ru
+1
+1
+1
+1
+1
+1
+1