Онкологическай ыарыыны утары охсуһуу аан дойдутааҕы күнүн чэрчитинэн, «Эдэр гвардия» чилиэннэрэ уонна «Добро в действии» пуонда актыбыыстара аһымал аахсыйа оҥордулар. СӨ Мэдиссиинэтин киинин оҕо онкологическай салаатыгар 500 харыстанар маасканы уонна 10 киилэ фруктаны биэрдилэр.
— «Эдэр гвардия» чилиэннэрэ доруобуйа харыстабылын уонна социальнай харалта эбийиэктэрин кытары ыкса үлэлэһэллэр. Дьокуускайга эрэ буолбакка, улуустарынан көмө эмиэ оҥоһуллар. Биһиги сорукпут диэн эмтэнэр оҕолор күннэрин сэргэхситии, сүргэлэрин көтөҕүү. Оҕолорго кытаанах доруобуйаны, куһаҕан ыарыыны кытары охсуһалларыгар күүһү баҕарабыт, – диэн аһымал пуонда бэрэстэбиитэлэ Вера Федорова эттэ.
Виктория Бястинова, edersaas.ru
+1
+1
+1
+1
+1
+1
+1