От ыйын 23 күнүгэр “Туймаада” стадиоҥҥа оҕунан ытыыга өрөспүүбүлүкэ сайыҥҥы чөмпүйэнээтэ түмүктэннэ. Быйылгы күрэхтэһиигэ 16 хамаандаттан 78 охчут илин былдьаста. Көһүтүллүбүтүн курдук, Горнай, Мэҥэ Хаҥалас, Хаҥалас, Чурапчы, Бүлүү, Үөһээ Бүлүү, Дьокуускай бэргэннэрэ үчүгэй көрдөрүүлэннилэр. edersaas.ru
Кылаабынай судьуйа Владимир Николаев классикаҕа ордук эдэрдэр баалларын биллэрбиттэрин этэр. Ол курдук, туһааннааҕынан үрүҥ көмүс уонна боруонса мэтээллэри ылбыт Үөһээ Бүлүүттэн төрүттээх Олимпийскай эрэллэр училищеларын үөрэнээччитэ Емельян Степановы, Мирнэйтэн Владимир Маширы чорботон бэлиэтиир.
Куруутун эрбии тииһин курдук эрийсэр өрөспүүбүлүкэ күүстээх охчуттара Павел Мартынов уонна Асим Павлов блочнай ытыыга кыайыылааҕы бэйэлэрин икки ардыларыгар быһаарыстылар. Түмүк ытыыга иккиэн 138-тыы очукуону ыллылар. Салгыы чөмпүйүөнү быһаарар эбии ытыыга 9-туу очукуону суруннулар. Онон судьуйалар быһаарыыларынан, хаачыстыбанан Павел Мартынов бастакы миэстэни ылла.
Дьахталларга кыайыылааҕынан ахсыс кылаас үөрэнээччитэ Сардаана Жиркова тахсыыта үгүстэргэ соһуччу буолла. Спорт маастара Валентина Павлова үһүс миэстэни былдьаһыыга Олимпийскай эрэллэр учлищеларын үөрэнээччитигэр Надежда Бубякинаҕа хотторон төрдүс буолла.
Билигин охчуттар “Бриллиантовые стрелы” норуоттар икки ардыларынааҕы күрэхтэһиигэ бэлэмнэнэллэр.
Өрөспүүбүлүкэ чөмпүйэнээтин уонна “Бриллиантовые стрелы” күрэхтэһии түмүктэринэн Великие Луки куоракка буолар Арассыыйа сайыҥҥы чөмпүйэнээтигэр кыттар Саха сирин хамаандата сүүмэрдэниэҕэ.
Өрөспүүбүлүкэ сайыҥҥы чөмпүйэнээтин кыайыылаахтара уонна призердара:
Классическай оххо. Дьахталларга
- Тимофеева Розалина
- Абрамова Полина
- Алексеева-Стасова Анна
Классическай оххо. Эр дьоҥҥо
- Сыромятников Игорь
- Степанов Емельян
- Машир Владимир
Блочнай оххо. Дьахталларга
1.Жиркова Сардаана
2.Муржина Надежда
3.Бубякина Надежда
Блочнай оххо. Эр дьоҥҥо
- Мартынов Павел
- Павлов Асим
- Филатов Михаил
Классическай оххо. Бэтэрээн эр дьоҥҥо
- Васильев Прокопий
- Николаев Родион
Блочнай оххо. Бэтэрээн дьахталларга
- Киприянова Надежда
- Гуляева Екатерина
Блочнай оххо. Бэтэрээн эр дьоҥҥо
- Федотов Ньургустан
- Ксенофонтов Николай
- Марков Василий
Классический оххо. Дьахталларга хамаанданан
- Горнай улууһа
- Дьокуускай куорат
- Мэҥэ Хаҥалас улууһа
Классический оххо. Эр дьоҥҥо хамаанданан
1.Дьокуускай куорат
- Горнай улууһа
- Мирнэй улууһа
Блочнай оххо. Дьахталларга хамаанданан
1.Таатта улууһа
2.Дьокуускай куорат
3.Орто Халыма улууһа
Блочнай оххо. Эр дьоҥҥо хамаанданан
1.Дьокуускай куорат
2.Чурапчы улууһа
3.Мэҥэ Хаҥалас улууһа
Роман Попов, «Саха сирэ» хаһыат, edersaas.ru