Эдэр ыччат, викторинаҕа кытын!

Ааптар: 
Бөлөххө киир:

Талыы-талба Таатта Дьохсоҕонун дорҕоонноох тойуксута, алгысчыт, дэгиттэр талааннаах олоҥхоһут Дарыбыан Дабыыдап төрөөбүтэ 130 сылын көрсө Дьохсоҕон нэһилиэгин бибилэтиэкэтэ  өрөспүүбүлүкэ эдэр ыччатыгар анаан бэртээхэй викторина ыытар. 

Дьохсоҕон оһуор тыллаах олоҥхоһута «Дарыбыан Дабыыдап уонна «Тойон Ньургун» дьулурҕаннаах суоллара» викторинаҕа хоруйдаргытын johsmo@mail.ru аадырыска Дьохсоҕон нэһилиэгин М.А.Петров  аатынан бибилэтиэкэтигэр аадырыстаан ыытаргытын күүтэбит.

ЫЙЫТЫКТАР:

1.Дарыбыан Дабыыдап ийэтинэн эһэтэ Быргый Уйбаан  ханнык биллэр киһини кытта ини-биилэр этэй?

2.Олоҥхоһут олохсуйан олорбут сирэ.

3.Дарыбыан Дабыыдап кэргэнин аата?

4.»Мин чаҕылҕаным» диэн таптаан ааттыыр оҕотун аата ким диэний?

5.Дарыбыан Дабыыдап хас оҕолооҕуй?

6.Кини киэҥник биллэр олоҥхотун «Тойон Ньургуну» сурукка киллэрбит кимий? Хас сыллаахха, ханна истэн суруйбутай?

7.»Тойон Ньургун» олоҥхо илиинэн суруллуутугар хас илиистээх, хас устуруокалаах этэй?

8.Дарыбыан олоҥхоһукка хаһан, ханнык ыһыаҕы тойугунан астарбыттарай?

9.Биир олоҥхону толороругар куолаһын хаста уларытар этэй?

10.Таатта талааннаах олоҥхоһута Дабыыдап Дьокуускай куоракка биллэр олоҥхоһуттары кытта күөн күрэстэргэ сылдьан ылбыт бириистэрин этитэлээ.

11.Тойон Ньургун бухатыыр балтын аата кимий?

12.Кинини ким диэн ааттаах абааһы бухатыыра уоран ыларый?

13.Тойон Ньургун аналлааҕын аата?

14.Бу олоҥхоҕо Тойон Ньургун хас төгүл абааһы ааттаахтарын кытта күн улууһун көмүскэһэн дуолан охсуһууга киирсэрий?

15.Олоҥхоһут «охсуһууга киирдэҕинэ тимир тириитин кэтэрэ, хахай хаана хааннанара» диэн кими этэрий?

16.Олоҥхоһут «кыра соҕус кылар, аччыгый соҕус алаа эбит» диир абааһытын уолун аата кимий?

17.»Тойон Ньургун» олоҥхоҕо баар атын абааһы бухатыырдарын ааттаталаа.

18.»Көрдөр хараҕым дьүккэтин,

Көтүрдэр тииһим хоххотун,

Көмөлүйдэр сүрэҕим ытарҕатын

Хайҕахтаах хара быарым тулаайаҕын…» диэн Тойон Ньургун  кими этэрий?

19.Дарыбыан Дабыыдап сиэнин — көҥүл тустууга спорт маастарын, аан дойду чөмпүйүөнүн аатын эт.

20.Дарыбыан Дабыыдап «Тойон Ньургун» олоҥхото хас сыллаахха, ханнык сиэрийэҕэ, хаһыс туомугар бэчээттэнэн тахсыбытай?

Викторинаҕа кыттааччылар: 14-35  саастарыгар диэри ыччат.

Хоруйдаргытыгар ааккытын, аадырыскытын толору суруйан бэс ыйын 18 күнүгэр диэри ыытаҕыт.

Билсэр төлөпүөҥҥүт:  89241772247

Түмүк бэс ыйын 21 күнүгэр тахсар.

+1
0
+1
0
+1
0
+1
0
+1
0
+1
0
+1
0