Эдьигээн улууһун делегацията Саха Өрөспүүбүлүкэтин бырабыытылыстыбатын чилиэттэрин кытта көрсүһүүтүгэр Эдьигээн оройуонугар хатыыс иитэн таһаарар сыаҕы сөргүтэр быһаарыы ылылынна.
Сыах 2018 сылтан үлэтин саҕалыаҕа. Хатыыс ыаматын иитэр сыах 2013 с. арыллыбыта, ол эрээри, харчы суоҕуттан сылтаан сабыллыбыта. Оттон быйыл харчы көрүллэрин ситиһэн, «Росрыболовствоттан» көҥүл ылылынна. Эдьигээн улууһун баһылыга Алексей Мандаров тыа хаһаайыстыбатын миниистирэ Петр Алексеевка сыах үлэҕэ киирэригэр туох тиийбэтин, сүрүн боппуруостарын сырдатта.
Петр Алексеев, Тыа хаһаайыстыбатын миниистирэ:
— Эдьигээн бөһүөлэгэр хатыыс ыаматын иитэр сыах үлэтин сөргүтэригэр анаан үп-харчы көрүллүөҕэ, тэрээһиннэр былааннара оҥоһулунна. «Росрыболовствоттан» көҥүл ылары ситистибит. Сыах үлэтин 2018 сылтан чуо саҕалыаҕа.
Николай Попов, «Саха сирэ» хаһыат, edersaas.ru