Бу күһүн Ньурба улууһугар 20 саастаах уол итирэн баран, бииргэ төрөөбүт эдьиийдэрин уоттуу сыспыт дьыалата суукка көрүлүннэ.
Суут быһаарбытынан, атырдьах ыйыгар бу уол итирик сылдьан, бииргэ төрөөбүттэрин кытта кыыһырсан баран, дьиэттэн тэрээсэҕэ тахсан, ааны таһыттан баттаппыт уонна эдьиийдэрин дьиэлэри-баҕастары уоттуубун диэн сааммыт.
Эдьиийдэрэ бырааттара маннык туругар уонна кырыгырбыт уоҕар чахчы да иэдээни оҥоруо диэн олус куттаммыттар.
Суут мунньаҕар сууттанааччы буруйун толору билиммит, кэмсиммит. Суут кинини РФ Холуобунай кодексатын 119-с ыст. 1 чааһынан, ол эбэтэр, илэ-чахчы кутталы үөскэтэр өлөрүүнэн суоһурҕаныыга буруйдааҕынан билиммит.
Дьыалата суукка көрүллэр кэмигэр кини атын ыар буруйу оҥорон, хаайыыга олорорунан, ол болдьоҕо эбиллэн, 4 сыл 4 ыйга уопсай эрэсиимнээх холуонньаҕа көҥүлэ быһылларга ууруллубут. Бириигэбэр сокуоннай күүһүгэр киирэ илик.
Бу туһунан СӨ Борокуратууратын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.