Бэҕэһээ Санкт-Петербург куоракка саҕаламмытт 23-гэр диэри саастаахтарга дьиэ иһигэр чэпчэки атлетикаҕа Арассыыйа чөмпүйэнээтигэр Үөһээ Бүлүү ыччата Михаил Руфов 400 м сүүрүүгэ Саха сирин саҥа рекордун олохтоото.
400 м өрөспүүбүлүкэ рекорда мантан ыла 00:48:17 тэҥнэһэр. Манан Михаил олунньу 12-гэр Москваҕа ыытыллыбыт Арассыыйа чөмпүйэнээтигэр олохтообут бэйэтин рекордун (00:48:29) уон икки дэһээтэйинэн тупсарда.
Чэпчэки атлетикаҕа өрөспүүбүлүкэ сүүмэрдэммит хамаандатын сүрүн тириэньэрэ, олимпийскай чөмпүйүөн Мария Пинигина иитиллээччитэ Михаил Руфов кылгас дистанцияларга билиҥҥи кэмҥэ Саха сирин биир күүстээх быһыйынан буолар. Былырыын Үөһээ Бүлүүгэ ыытыллыбыт үбүлүөйдээх Манчаары Баһылай оонньууларыгар эмиэ тэҥнээҕин булбатаҕа.
Роман Попов, “Саха сирэ” хаһыат, edersaas.ru