Бэҕэһээ Үөһээ Бүлүү сэлиэнньэтигэр ийэ тылбыт үрүҥ тыынын өллөйдөөччү, саха тылын эмчитэ, ытык киһибит Михаил Петрович Алексеев – Дапсы 80 сааһын бэлиэтээтилэр.
Ытык кырдьаҕаһы чиэстиир тэрээһин Үөһээ Бүлүүтээҕи «Иэйии» култуурунай кииҥҥэ ыытылынна.
«Үөһээ Бүлүү олохтоохторо биир дойдулаахтарын чиэстиир көрсүһүүгэ олус көхтөөхтүк кытыннылар. Олорор сир бүтэн, үгүс дьон атахтарыгар туран эрэ көрдүлэр. Улуус баһылыга Владимир Поскачин ис сүрэҕиттэн эҕэрдэлээн туран, Михаил Петровичка улуус бочуотунай кыраамататын уонна анал сертификаты туттарда», – диэн улуус баһылыгын солбуйааччы Спиридон Борбуев кэпсээтэ.
Гаврил Филиппов, саха тылын хаапыдыратын бэрэпиэссэрэ:
– Бэҕэһээ Михаил Петрович 80 сааһын чиэстиир тэрээһин олус истиҥник ааста. Кинини кытта бииргэ үлэлээбит уонна билигин үлэлии сылдьар тыл үөрэхтээхтэрэ ис сүрэхтэриттэн эҕэрдэлээтилэр. Үөһээ Бүлүү уопсастыбаннаһа ытык киһилэрин үөрэн-көтөн көрүстэ. Кинини кытта ирэ-хоро кэпсэтэн, астынан-дуоһуйан тарҕастылар.
Бүгүн Үөһээ Бүлүүгэ сайын ыытыллыахтаах Манчаары спартакиадатын бырагырааматын чэрчитинэн, гуманитарнай форум ыытылла турар. Онно киһитийии туһунан боппуруос тула киэҥ кэпсэтии буолла.
+1
+1
+1
+1
+1
+1
+1