Үөһээ Бүлүү сэлиэнньэтин 75-с нүөмэрдээх учаастакка дьон быыбардыы кэлиитэ үчүгэй.
edersaas.ru
Сэлиэнньэ олохтооҕо Анна Белолюбская төрдүс кылааска үөрэнэр оҕотунаан Лейлалыын быыбардыы кэлбит. «Настарыанньа бэрт, халлаан сылыйан таһырдьа күн да күн, олус үчүгэй. Мин биир бэйэм быыбары хаһан да көтүппэккэ куоластыыбын. Хас биирдии киһи ытык иэһэ «, — диэн санаатын үллэһиннэ. Ыал ийэтэ кыыһын быыбарга илдьэ кэлбитэ олус үчүгэй, кэлин улааттаҕына бэйэтэ быыбардыа турдаҕа.
Василий уонна Ибарура Васильевтар, Үөһээ Бүлүү сэлиэнньэтин олохтоохторо:
— 18 сааспытыттан биири даҕаны быыбары көтүтэ иликпит. Саастаах дьон куруук быыбарга кыттабыт. Эдэр дьон көхтөөх буолуохтарын наада. Түгэнинэн туһанан, Саха сирин олохтоохторун быыбарынан итиитик-истиҥник эҕэрдэлиибит.
Улуус үрдүнэн 12 чаастааҕы туругунан, 3885 киһи быыбардаата.
Александр Тарасов, Үөһээ Бүлүү, edersaas.ru