Бу күннэргэ Москваҕа аан дойду үөрэххэ бастыҥ ситиһиилэрин көрдөрөр тэрээһин буола турар. Манна Дьокуускайтан, Горнайтан, Чурапчыттан уонна Үөһээ Бүлүүттэн дэлэгээссийэлэр кытта сылдьаллар.
edersaas.ru
Тэрээһин туһунан Үөһээ Бүлүү улууһун үөрэх управлениетын начаалынньыга Спиридон Борбуев: «Үөһээ Бүлүү улууһуттан 14 буолан кытта сылдьабыт. Үөрэх эйгэтигэр туох уларыйыы баарын элбэҕи биллибит. СӨ үөрэҕин уонна наукатын миниистирэ В.Егоров «Цифровая школа» диэн секцияҕа спикердээтэ.
Бу тэрээһиҥҥэ РФ бырабыыталыстыбатын бэрэссэдээтэлин солбуйааччы Ольга Голодец уонна РФ үөрэҕин миниистирэ Ольга Васильева кытыннылар, санааларын этиннилэр.
Бу тэрээһин муус устар 21 күнүгэр диэри буолуоҕа. Үөрэх боппуруостарыгар араас секциялар үлэлээтилэр, быыстапкалар турдулар. Секцияларга үөрэх эйгэтигэр көрсүллэр кыһалҕалары уонна билигин баар уопуттары ырыттылар, анаалыстаатылар. Быыстапкаларга кинигэ бэчээттиир издательстволартан саҕалаан, үөрэх эйгэтигэр өҥөнү оҥороччуларыгар тиийэ кытыннылар»,- диэн кэпсээтэ.
Александр Тарасов, Үөһээ Бүлүү