Үөһээ Бүлүүлэр Учуутал күнүн үрдүк тэрээһиннээхтик ыыттылар. Бэрт аҕыйах хонуктааҕыта улуустааҕы үөрэх управлениетын начаалынньыгынан анаммыт Спиридон Борбуев бу эйгэҕэ маҥнайгы улахан тэрээһинэ буолар.
“Учуутал күнүн норуодунай учуутал Михаил Алексеев уонна биллиилээх бэйиэт Петр Тобуруокап төрөөбүттэрэ 100 сылларыгар анаан тэрийдибит. Итини тэҥэ, улуус үрдүнэн “Бэтэрээн учууталлар холбоһуктара” НКО сүрэхтэниитэ буолла. Бочуоттаах сынньалаҥҥа барбыт уопуттаах учууталлар түмсэн, оскуолаларга сүбэ-ама биэрэллэр этэ. Ону официальнайдык тэрийэн, дьоҕус тэрилтэ буоллулар. Инники өттүгэр үөрэххэ сыһыаннаах граннарга кыттыахтара.
Тэрээһиҥҥэ Германияттан Геттинген университетын докторана, илиҥҥи түүрдэр уонна ити тыллар ситимнэрин чинчийээччи Дениз Өзкан кэлэн кытынна, учууталлары эҕэрдэлээтэ”, — диэн кэпсээтэ.
Александр ТАРАСОВ, «Саха сирэ» хаһыат, https://edersaas.ru/