Үөһээ Бүлүүтээҕи Михаил Алексеев аатынан лиссиэй-интэринээт үөрэнээччилэрэ анал чинчийиини ыыта сылдьаллар.
edersaas.ru
Бу күннэргэ Муус Аппа диэн сиртэн уу боруобатын анаалыска анаан ыллылар.
Лиссиэй туристическай кулуубун салайааччыта Сардаана Захарова:
— Кулууппут хас даҕаны бырайыактаах. Олортон биирдэстэрэ ити. Учуонайдары кытта ыкса үлэлиибит. Ирбэт тоҥу чинчийэр институт учуонайдарын кытта биһиги үөрэнээччилэрбит Үөһээ Бүлүү улууһун Өргүөт нэһилиэгин сиригэр-уотугар баар кыһыннары тоҥмот Муус Аппа диэн үрэҕи үөрэтиини саҕалаатылар. Бу үрэх уута сир анныттан тахсар. Кыһыннары сүүрдэн, муус үөскүүр, Хаҥалас булууһун курдук. Сайын устата ууллубакка өр сытар. Учуонайдар Хаҥалас Булууһун үөрэтэн баран, аны бу Муус Аппаны чинчийэн эрэллэр, — диэн кэпсиир.
Үөрэнээччилэр ый аайы уу уонна хаар анаалыһын ылан учуонайдарга ыыталлар эбит.
Анивера Акимова, edersaas.ru