Үөһээ Бүлүү урбаанньыттара Манчаары оонньуутун тэрээһинигэр көмөлөһөргө туруннулар
Бэҕэһээ урбаанньыттар күннэригэр Үөһээ Бүлүү улууһун олохтоох урбаанньыттара «Манчаары оонньууларыгар мин бачыыным» диэн анал аахсыйаны тэрийдилэр.
Александр Тарасов, «Саха сирэ» хаһыат, edersaas.ru
«Бу анал аахсыйаҕа олохтоох урбаанньыттар баалларын биллэрдилэр. Ол курдук, урбаанньыт Люция Спиридонова 50 тыһ.солк уонна бэйэлэрэ оҥорор брендовай быһахтарын биэрдэ. Лена Михайлова уонна Светлана Сортолова иккиэн кыттыһан, «Бүлүү» ырыынак таһыгар турар муостаны тупсаҕай гына оҥоруох буоллулар. Лена Михайлова 30 тыһ. солк. утары уунна. Раиса Степанова дьиэ кэргэнин аатыттан 20 тыһ солк. биэрдэ. Захар Сивцев уонна Майа Ушницкая тарбыйах сертификатын аҕалан биэрдилэр. Галина Цой Үөһээ Бүлүү сэлиэнньэтэ тупсаҕай көрүҥнэнэрин туһугар 300 сибэкки арассаадатын бэлэх уунна. «Пчелка» аптека үлэһиттэрэ биир күннээҕи хамнастарын анаатылар. Аахсыйаҕа кыттыспыттар урбаанньыттарга туһаайан, Манчаары оонньуута үчүгэйдик, тэрээһиннээхтик ааһарын туһугар бэйэлэрин бачыымнарын киллэрэллэригэр эттилэр, ыҥырдылар», – диэн улуустааҕы урбаанньыттары өйүүр пуонда салайааччыта Екатерина Николаева кэпсээтэ.
Александр Тарасов, «Саха сирэ» хаһыат, edersaas.ru