close
Үөһээ Муунатааҕы алмаастаах сиргэ 598 киһи үлэлиэҕэ...
· - Олох-дьаһах - Экэниэмикэ

Үөһээ Муунатааҕы алмаастаах сиргэ 598 киһи үлэлиэҕэ

«АЛРОСА» АХ Үөһээ Муунатааҕы алмаастаах сири туһаҕа таһаарыыга 598 киһини үлэҕэ ылыаҕа. Ол курдук, туһааннаах хампаанньаны кытары түһэриллибит сөбүлэһиигэ олоҕуран, уопсайа 1400 олохтоох дьону үлэ миэстэтинэн хааччыйыаҕа.

edersaas.ru

Быйыл Егор Борисов Дьарыктаах буолууну көҕүлээһин сылын биллэрэн, сүрүн болҕомто олохтоохтору бырамыысыланнас хампаанньаларыгар үлэлэтиигэ ууруллуоҕа. СӨ бырабыыталыстыбатын бэрэссэдээ­тэлин солбуйааччы Алексей Дьячковскай салайааччылаах Мирнэйгэ ыытыллыбыт сүбэ мунньахха «АЛРОСА», «Таас-Үрэх Нефтегазодобыча» хампаанньалар бэрэстэбиитэллэрэ кытыннылар. СӨ дьарыктаах буолуутун судаарыстыбаннай кэмитиэтин бэрэссэдээтэлэ Степан Москвитин иһитиннэрбитинэн, Бүлүү умнаһын улуустарыгар олорор 25-тэн 54-гэр диэри саастаах дьонтон 1467-тэ үлэтэ суох. Мантан 118-һа үрдүк, 452-тэ орто анал үөрэхтээхтэр. Бу дьон ыаллаһа олорор Мирнэй оройуонугар баар бырамыысыланнас эбийиэктэригэр баахтабай ньыманан баран үлэлиэхтэрин сөп. Үөһээ Муунатааҕы алмаастаах сиргэ С, Д, Е, категориялаах суоппардарга, машинистарга, силиэсэрдэргэ, кладовщиктарга наадыйаллар. Хамнас кээмэйэ 30 – 100 тыһ. солк.

Оттон «Таас-Үрэх Нефтегазодобыча» хампаанньа электромонтердарга, технологтарга, машинистарга, силиэсэрдэргэ наадыйар. Уопсайа 123 үлэ миэстэтинэн хааччыйар былааннаах. Баахтабай ньыманан хамнас 30 – 120 тыһ. солк. тэҥнэһэр.

Ааспыт сылга «Колмар», «Якутуголь», «Эльгауголь», «Алданзолото ГРК», «Золото Селигдара» курдук улахан хампаанньаларга 2240 киһи үлэҕэ киирбитэ.

Анивера АКИМОВА, «Саха сирэ» хаһыат, edersaas.ru

#бүгүн: 1
0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

пятнадцать − 7 =